Aukinn kostnaður við nær alla málaflokka
Á sveitarstjórnarfundi Húnavatnshrepps í í gær var samþykkt fjárhagsáætlun fyrir næsta ár. Gert er ráð fyrir að rekstrarniðurstaða samstæðu verði jákvæð um 8,6 milljónir króna. Tekjur verði 463 milljónir og gjöld 454,4 milljónir með fjármagnsliðum. Skuldahlutfall er áætlað 41%.
Gert er ráð fyrir talsverðum fjárfestingum og framkvæmdum á vegum sveitarfélagsins á næsta ári. Stærsta einstaka framkvæmdin er áframhaldandi lagning ljósleiðara. Auk hefðbundinna viðhaldsframkvæmd verður haldið áfram að framkvæma við Húnaver og unnið að endurbótum á skólahúsnæðis Húnavallaskóla og öðrum fasteignum sveitarfélagins. Gjaldskrá hækkar almennt í samræmi við verðlagsbreytingar. Vistunargjald leikskóla og gjaldskrá fyrir skólamötuneyti hækkar ekki. Álagningaprósentur fasteignagjalda verða óbreyttar.
Í bókun oddvita kemur fram að við fjárhagsáætlanagerðina hafi verið lögð áhersla á aðhald í rekstri eins og undan farin ár. Jafnframt að halda áfram að viðhalda eignum sveitarfélagsins. Þá segir í bókuninni: „Þrátt fyrir góða stöðu sveitarsjóðs er nauðsynlegt að fram komi að rekstur sveitarfélagsins er að þyngjast líkt og á við um nær öll sveitarfélög landsins. Sífellt erfiðara verður að uppfylla kröfur um að áætlanir sýni jákvæða rekstrarniðurstöðu vegna aukins kostnaðar við nær alla málaflokka. Þar vegur aukinn launakostnaður þyngst, á meðan tekjur hafa ekki aukist í sama hlutfalli. Því er afar mikilvægt að halda áfram að sýna ráðdeild í rekstri.“
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
