Autt á aðalleiðum á Norðurlandi vestra
Autt er orðið á aðalleiðum norðvestan til en þó eru hálkublettir í Húnavatnssýslu og milli Hofsós og Siglufjarðar en einnig á útvegum, samkvæmt upplýsingum frá Vegagerðinni. Snjóþekja og skafrenningur er á Öxnadalsheiði.
Á Ströndum og Norðurlandi vestra er norðaustan 5-10 og dálítil él en hægari austan átt og léttir heldur til síðdegis. Hiti 0 til 4 stig en vægt frost í nótt.
Veðurhorfur á landinu næstu daga:
Á laugardag:
Austlæg átt, 8-15 m/s, hvassast syðst. Stöku él suðaustan og austantil, en annars þurrt og bjart að mestu. Hiti 0 til 6 stig S- og V-lands yfir daginn, en annars hiti um og undir frostmarki.
Á sunnudag:
Breytileg átt, 3-8 m/s og léttskýjað að mestu, en austan 8-13 syðst og stöku slydduél. Hiti 0 til 5 stig S- og V-lands að deginum, en annars í kringum frostmark.
Á mánudag og þriðjudag:
Fremur hæg norðaustlæg átt og víða þurrt og bjart, en skýjað að mestu við norður- og austurströndina. Heldur kólnandi veður.
Á miðvikudag og fimmtudag (skýrdagur):
Breytileg átt, skýjað með köflum og él á stöku stað. Frostlaust suðvestan til yfir daginn, en annars frost 0 til 10 stig, kaldast í innsveitum norðaustanlands.
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
