Bílaþjónusta Norðurlands - Veitir hjálparþurfi vegaaðstoð
Á Sauðárkróki rekur Baldur Sigurðsson fyrirtæki sitt Kvíaból sem heldur utan um rekstur útibús bílaleigunnar AVIS á staðnum. Fyrir stuttu bætti hann við umfangið og ákvað að bjóða upp á vegaaðstoð og fyrirtækið Bílaþjónusta Norðurlands varð til. Í síðustu viku fékk Baldur í hendurnar bílaflutningakerru. sem ætti að koma í góðar þarfir við þjónustuna og Feykir ákvað að kanna málið örlítið.
Baldur segir að rekstur Bílaþjónustu Norðurlands snúist um það að hjálpa þeim sem eru hjálparþurfi á þjóðvegum landsins. „Þá er ég ekki eingöngu að tala um bílaflutninga heldur aðstoða ég fólk líka með alls kyns vandamál. Reyni t.d. að gera það sem þarf áður en skipta þarf um bíl. Ég skipti t.d. um eldsneyti á bílum ef dælt er röngu á, redda sprungnum dekkjum, losa bíla sem eru fastir og flyt bíla þangað sem þurfa þykir, o.fl.“
Aðspurður um hvort eingöngu sé verið að þjónusta bílaleigubíla segir hann ekki svo vera. „Þetta er fyrir alla, konur og kalla. Fólk bara hringir í mig og ég mæti á staðinn,“ segir Baldur en síminn hjá honum er 8933515, bara svona ef lesendur rata í ógöngur.
Þjónustan er enn að slíta barnsskónum því Baldur fór af stað með hana þann 1. maí sl. Hann segir þetta nuddast af stað en tekur fram að það muni taka tíma að koma þessu áfram.
Baldur segir þessa starfsemi fína meðfram bílaleigu AVÍS enda hugsunin sú að að hafa með til að styðja reksturinn.
Þeir sem lenda í vandræðum á vegum úti geta hringt í Baldur sem segir að engin mörk séu á því hvert hann fer „Það eru engin landamæri á Íslandi og ég fer þangað sem ég er beðinn um að fara. En auðvitað er þetta fyrst og fremst hugsað fyrir Norðurland og ég get vel sinnt svæðinu frá Vopnafirði og norður á Strandir,“ segir hann að lokum.
(Í 26. tbl. Feykis 2018 birtist rangt símanúmer hjá Baldri. Er beðist velvirðigar á því.)
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.