Bilun hjá Vodafone komin í lag
Bilun varð á GSM-sambandi, net- og sjónvarpsþjónustu Vodafone á Norðurlandi í gær. Bilunin átti sér stað á Akureyri og gerði það að verkum að truflun varð á sambandi víða um Norðurland.
„Tæknimenn unnu fram á rauða nótt í að greina hvað gerðist og tryggja að þetta gerist ekki aftur. Við erum með tvöfalt kerfi svo annað geti tekið við ef hitt bilar en það vildi svo ólíklega til að það bilaði líka. Við biðjumst velvirðingar á þeim óþægindum sem þetta kann að hafa valdið fólki,“ sagði Hrannar Pétursson upplýsingafulltrúi hjá Vodafone.
Bilunin varð í aðalflutningsleið á ljósleiðarakerfi Vodafones um kl. 14 í gær og sem fyrr segir tók varaflutningsleiðin við í kjölfarið tók en hún bilaði einnig. Mestu áhrifin mátti gæta á Akureyri og breiddust þau þaðan bæði til austurs og vesturs. Bilunin var að mestu komin í lag á Akureyri um kl. 16 í gær en staðbundnar truflanir voru enn víða til kl. 22:30 í gærkvöldi, m.a. á Húsavík og Sauðárkróki.
Vegna bilanana varð röskun á síma- og nettenginum en GSM-samband var í lagi. Truflanir á nettenginum geta haft fjölþætt og óþægileg áhrif í för með sér, en í gær datt t.d. sjónvarp út, víða var ekki hægt að greiða með greiðslukorti þar sem margir posar eru nettengdir og sumar sjálfvirkar bensíndælur virkuðu ekki. Jafnvel sumir hraðbankar voru í ólagi sökum þessarar bilunar.
Fleiri fréttir
-
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira -
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira
