Bjartsýni hjá skagfirskum fyrirtækjum þrátt fyrir ástandið
Í byrjun vikunnar bárust af því fréttir að Standard og Poor´s hefði fyrst greiningarfyrirtækja lækkað lánshæfismat á Rússlandi niður í svonefndan ruslflokk. Nokkur fyrirtæki í Skagafirði eru í umtalsverðum viðskiptum við Rússland en forsvarsmenn þeirra eru þrátt fyrir ástandið bjartsýnir á viðskipti þangað.
„Það hefur áhrif á sölu á öllum mörkuðum sérstaklega óvissa sem leiðir yfirleitt til að menn halda að sér höndum lengur,“ sagði Gunnsteinn Björnsson, framkvæmdastjóri Loðskinns, í samtali við Feyki í vikunni. „Yfirleitt opnast leiðir í viðskiptum þegar tíminn líður en það verða í það minnsta tafir á sölu vegna ástandsins. Ég er svo sem ekki viss um að færsla í ruslflokk hafi haft úrslita áhrif þar, en ofan á annað bætir það ekki stöðuna.“
Loðskinn selur einkum mokka til Rússlands, óbeint með viðkomu á Ítalíu þar sem framleiddir eru jakkar. Þá á fyrirtækið aðild að sölu sláturhúsanna á hráum gærum til Rússlands. Gunnsteinn segir að ástandið í Rússlandi snerti lítið viðskipti með roð.
Jón Eðvald Friðriksson, framkvæmdastjóri Fisk Seafood, segir áhrifin lítil þar sem fyrirtækið eigi ekki í miklum viðskiptum við Rússland.
Ágúst Andrésson framkvæmdastjóri Kjötafurðamiðstöðvar KS, segist mjög bjartsýnn á viðskipti við Rússland. „Það er heilmikið að gerast hjá okkur á Rússlandsmarkaði, við erum einmitt að taka þátt í stórri matvælasýningu í Moskvu eftir viku,“ sagði Ágúst í samtali við Feyki. „Auðvitað hefur ástandið með rúbluna áhrif á peningaflæði, það verður að hafa aðeins meira fyrir hlutunum, en fólk þarf eftir sem áður að borða.“
Í greiningu Standard og Poor´s segir að slæmar horfur séu í efnahagslífi Rússlands vegna lækkandi olíuverðs, refsiaðgerða vegna deilunnar í Úkraínu og gengis rúblunnar. Talið er að veikar vonir séu um hagvöxt og reiknað með enn frekari samdrætti. Moody´s og Fitch höfðu fyrr í mánuðinum einnig lækkað lánshæfismat landsins og hjá þeim stendur Rússland einum flokki ofar ruslflokknum. Bæði gáfu fyrirtækin út að til greina kæmi að lækka Rússland enn frekar.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
