Björgunarsveitin Strönd á æfingu með Gná
Björgunarsveitin Strönd var við æfingar með Gná þyrlu Landhelgisgæslunnar sl. miðvikudagskvöld. Í æfingunni tóku þátt um tólf manns frá Strönd á Húnabjörg og Aðalbjörgu ásamt áhöfn þyrlunar og köfurum.
Á heimasíðu björgunarsveitarinnar kemur fram að æfðar voru hífingar á mannskap og sjúkrabörum um borð í Húnabjörg og aftur frá borði. Einnig var æft að hífa menn úr gúmmíbjörgunarbáti og sömuleiðis úr sjó.
„Tókst æfingin í alla staði mjög vel og var áhöfn þyrlunar og okkar mannskapur ánægður með útkomuna. Ekki skemmdi veðrið heldur fyrir því logn var og stjörnubjart ásmat því að norðurljósin skörtuðu sínu fegursta,“ segir á heimasíðunni.
Sagt er frá því að á landleið varð mannskapurinn um borð í Húnabjörg vitni að loftsteinshrapi og það af stærri gerðinni.
„Hann birtist skyndilega í austri þegar við vorum á leið inn í innsiglinguna og var mjög bjartur og skipti litum úr bláhvítu yfir í grænhvítt áður en hann sundraðist og skildi eftir sig slóð af smá braki sem brann umsvifalaust upp. Hann virkaði mjög nálægt en hefur að sjálfsögðu verið í órafjarlægð en frá okkur séð hefði mátt halda að hann kæmi niður úti í Skagaheiði,“ segir loks á heimasíðunni.
Fleiri fréttir
-
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira
