Blautt og kalt framundan
Nú er úti veður vott, stendur einhversstaðar og á það vel við núna. Snjólínan færist neðar í fjöllin og eru sumstaðar komin niður á láglendi. Spáin hljóðar svo: Norðan 8-13 m/s og slydda eða snjókoma en hvessir í dag. NA 10-20 síðdegis, hvassast á Ströndum, en hægari til landsins. Slydda, en síðar rigning. Dregur úr vindi í fyrramálið, og úrkomu síðdegis. Hiti 1 til 5 stig.
Veðurhorfur á landinu næstu daga
Á fimmtudag:
Norðan 8-15 m/s, hvassast austast. Rigning eða slydda á N- og A-landi og snjókoma til fjalla, en dregur úr vindi og úrkomu þegar líður á daginn. Bjartviðri á S- og V-landi. Hiti 0 til 8 stig, mildast syðst.
Á föstudag:
Hæg breytileg átt og bjart veður, en norðvestanátt með lítilsháttar éljum við NA-ströndina og vaxandi suðaustanátt með rigningu SV-til um kvöldið. Víða næturfrost, en hiti 1 til 6 stig að deginum, þó sums staðar vægt frost N- og A-lands.
Á laugardag:
Hvassa sunnan- og suðvestanátt með rigningu, einkum S- og V-lands. Talsvert næturfrost N- og A-lands, en hiti 6 til 12 stig síðdegis.
Á sunnudag:
Útlit fyrir vestlæga átt með skúrum, en bjartviðri eystra. Hiti 3 til 9 stig.
Á mánudag og þriðjudag:
Útlit fyrir norðan- og norðvestanátt með dálitlum skúrum eða éljum, en þurru sunnanlands. Svalt í veðri.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
