Bleikt og blátt
Nú er heyskapur víðast hvar kominn á fullt og eitthvað er um það að bændur séu búnir með fyrri slátt. Það vekur sérstaka athygli nú, þegar ekið er um sveitir, að túnin eru óvenju skrautleg þetta sumarið.
Í fyrrasumar stóð framleiðandinn Trioplast, ásamt dreifingaraðilum og bændum, fyrir átakinu "Bleikar heyrúllur" og var tilgangurinn að minna á árvekni um brjóstakrabbamein og styrkja rannsóknir á því. Lagðar voru 425 krónur af hverri bleikri plastrúllu sem seld var í sjóð og söfnuðust 900 þúsund krónur. Voru þær notaðar til endurnýjunar tækja til brjóstamyndatöku fyrir Leitarstöð Krabbameinsfélagsins.
Í sumar má einnig sjá bláar heyrúllur og er markmiðið með sölu bláa heyrúlluplastsins að minna á árvekni um blöðruhálskrabbamein. Munu þrjár evrur af sölu hverrar blárrar og bleikrar rúllu renna til vísindasjóðs Krabbameinsfélagsins og rannsókna á blöðruhálskrabbameini og brjóstakrabbameini.
Þess má geta að í tilefni af átakinu verður haldin myndasamkeppni á Instagram um skemmtilegustu og frumlegu myndirnar þar sem bleiku og bláu rúllurnar eru í aðalhlutverki. Allir geta tekið þátt í samkeppninni en myndirnar skal merkja #bleikrulla eða #blarulla.
Nánar má lesa sér til um átakið á heimasíðu Krabbameinsfélagsins.
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum,himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
