Blönduósbær vill sameiningarviðræður
Bæjarstjórn Blönduósbæjar hefur falið bæjarstjóra að kanna hug forsvarsmanna annarra sveitarfélaga í Austur-Húnavatnssýslu til sameiningar. Telur bæjarstjórnin mikilvægt að unnið verði formlega að sameiningu, að því er fram kemur í bókum sem lögð var fram á fundi bæjarstjórnar í fyrradag.
Bókunin var gerð í kjölfar þess að lögð var fram til kynningar skýrsla um úttekt á hagkvæmni sameiningar sveitarfélaga í Austur-Húnavatnssýslu. Eins og Feykir hefur fjallað um fól Byggðasamlag um menningar- og atvinnumál í Austur-Húnavatnssýslu í júlí sl. KPMG að vinna að samantekt á fjármálalegum upplýsingum og aðstoð við greiningu og samantekt á stærstu hagræðingarmöguleikum væru sveitarfélögin fjögur í Austur Húnavatnssýslu sameinuð.
Fór vinnan fram á tímabilinu 17. júlí til 1. desember 2013. Í skýrslunni kemur fram að beint fjárhagslegt hagræði af sameiningu allra sveitarfélaga í sýslunni gæti verið á bilinu 34 til 50 milljónir króna á ári. Skuldahlutfall sameinaðs sveitarfélags yrði nálægt landsmeðaltali.
Í viðtali sem viðtali sem Feykir átti við Arnar Þór Sævarsson, bæjarstjóra á Blönduósi, í desember síðast liðinn kom fram að engin sérstök áform væru uppi um sameiningarviðræður í kjölfar skýrslunnar.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
