Breytingar á leikskólastarfi í Skagafirði
Sveitafélagið Skagafjörður tilkynnti fyrr í dag, mánudaginn 10. ágúst, að fræðslunefnd og sveitarstjórn hafa samþykkt breytingar á reglum um leikskólastarf í sveitarfélaginu og taka þær gildi frá og með deginum í dag. Breytingarnar koma til vegna vaxandi óánægju á meðal foreldra/forráðamanna og starfsfólks skólans með fyrirkomulag skráningardaga og gjaldskrá. Um er að ræða aðgerðir sem innleiddar voru árið 2024 til þess að bregðast við áskorunum í starfsmannahaldi og sporna við neikvæðum áhrifum á faglegt starf og starfsþróun leikskólanna.
Þær breytingar sem hafa nú verið samþykktar fyrir leikskólana eru gerðar að fyrirmynd Árborgar, en leikskólarnir þar eru nú að ljúka sínu öðru skólaári með þessu verklagi. Mikil ánægja hefur ríkt með þetta fyrirkomulag, sem felur í sér að heilum skráningardögum fækkar úr 20 í 9 og samræmist haust- og vetrarfríi grunnskóla, á Þorláksmessu og í dymbilviku. Þá mun ekkert barn vera sjálfkrafa skráð með vistun eftir kl. 14:00 á föstudögum, en greiða þarf sérstaklega fyrir vistun eftir þann tíma. Þá verða leikskólar Skagafjarðar lokaðir í 24 virka daga á sumrin, á aðfangadag, gamlársdag og á milli jóla og nýárs.
Foreldrar og forráðamenn barna hafa verið upplýst um þessar breytingar sem taka gildi eftir sumarfrí. Nánari upplýsingar veitir Bryndís Lilja Hallsdóttir sviðsstjóri fjölskyldusviðs.
Gjaldskrá sem tekur gildi þann 10. ágúst má finna hér.
Fleiri fréttir
-
Sóttu þrjú stig gegn Þrótti úr Vogum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 10.08.2026 kl. 14.22Kormákur/Hvöt tók á móti Þrótti úr Vogum í gær, sunnudaginn 9. ágúst. Lítið var um tilþrif í leiknum en heimamenn höfðu á endanum 2-0 sigur og tryggðu sér mikilvæg þrjú stig, þótt þeir sitji enn sem fastast í fimmta sæti 2. deildar.Meira -
Það kemur margt upp úr sjó
feykir.is Austur-Húnavatnssýsla, Lokað efni 10.08.2026 kl. 11.05Nú á dögunum fékk Bárður SH-81 frá Skagaströnd bátsflak í veiðarfærin. Þarna var á ferð Frami HU-25 [5997]. Báturinn var smíðaður í Hafnarfirði úr furu og eik 1979, 2,4 brl. með 23 ha. Volvo Penta vél.Meira -
Heyrúllur í nýju hlutverki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 10.08.2026 kl. 10.00Víða á túnum meðfram þjóðvegum landsins má sjá uppstilltar heyrúllur með skilaboðum um verðandi kosningar um aðildarviðræður að ESB. Eitthvað ber á að reynt sé að eiga við boðskapinn eftir á og er það auðvitað ekki lögum samkvæmt heimilt að fara leyfislaust inn á eignarlönd annarra. Erla Jónsdóttir á Skagaströnd segir svo frá á facebook síðu sinni:Meira -
Sveitarstjóri segir gott að sjá verkefnið komast af stað
feykir.is Skagafjörður, Lokað efni 08.08.2026 kl. 19.01Áhangendur nýs menningarhúss á Sauðárkróki hafa lengi beðið eftir að sjá einhverja framkvæmdahreyfingu á Flæðunum og nú virðast draumar þeirra vera að rætast. Þórður Hansen mætti með tæki og tól og hóf jarðvegsframkvæmdir vegna menningarhúss nú fyrir helgina og sagði Magnús Barðdal sveitarstjóri það vera virkilega ánægjulegt að sjá að loksins sé farið að vinna á svæðinu, þegar Feykir spurði hann út í málið.Meira
