Dreifnám í A-Hún til umræðu á bæjarstjórnarfundi
Möguleikinn á að koma á dreifnámi í Austur Húnavatnssýslu var til umræðu á fundi bæjarstjórnar Blönduóssbæjar sl. miðvikudag en samkvæmt fundargerð áttu sér þar stað miklar og góðar umræður.
Á fundinn komu Þorkell Þorsteinsson aðstoðarskólameistari Fjölbrautarskóla Norðurlands vestra fyrir hönd skólans og og Rakel Runólfsdóttir, umsjónarmaður dreifnámsbrautar á Hvammstanga. Þorkell kynnti hugmyndir FNV varðandi hugsanlega dreifnámsbraut á Blönduósi og Rakel fræddi viðstadda um hennar starf og í hverju það fælist ásamt ýmsu öðru sem tengdist dreifnámsbrautinni.
Þangað voru einnig komin Skúli Þórðarson sveitarstjóri og Eydís Aðalbjörnsdóttir félagsmálastjóri Húnaþings vestra og fóru þau yfir aðdraganda að stofnun dreifnámsbrautar í Húnaþingi vestra og hvernig til hefur tekist en dreifnámsbrautin tók til starfa á Hvammstanga í haust.
Auk þessara aðila var Guðjón Ólafsson frá Skólaþjónustu A-Hún. á staðnum og þrír gestir frá Strandabyggð til að fylgjast með umfjöllun og undirbúningi heimaaðila vegna verkefnisins en undirbúningur að stofnun framhaldsdeildar á Hólmavík næsta haust stendur nú yfir.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
