Dýrbítur í Fitjárdal
Tófur hafa ráðist á sauðfé á bænum Fremfi-Fitjum í Fitjárdal. Bitu þær nokkrar kindur mjög illa svo þurfti að aflífa þrjár skepnur strax og hugsanlega þarf að lóga fleirum. Frá þessu var greint í fréttum Ríkisútvarpsins í vikunni.
Rætt var við Helgu Rós Níelsdóttur á Fremri-Fitjum í fréttum RUV og segir hún að vart hafi orðið við að kindur, sem voru á gjöf á túni nokkur hundruð metra frá fjárhúsunum, hafi komið heim að húsum, bitnar í framan. Í fyrstu var talið að hundarnir á bænum ættu hlut að máli en þegar farið var að kanna málið nánar kom í ljós að mikið var um spor eftir tófu á túninu. Helga segir að 26 kindur séu bitnar eftir tófuna og sumar mjög illa. „Þetta er flestallt neðan í kjálka, eða í munnvikjum og framan á trýni. Bitið framan af snoppum, bitið úr vör, bitið mikið í kjálka,“ segir hún.
Guðný Hrund Karlsdóttir, sveitarstjóri Húnaþings vestra, segir í samtali við RUV að greinilega sé að aukast að dýrbítur leggist á fé heima á túnum og hafi það gerst á fleiri bæjum í sveitarfélaginu í vetur. „Það er aðeins óvenjulegt að tófan er eiginlega bara komin upp við bæi, það er ekki verið að bíta féð sem er á beit uppi á heiðum. Það hefur auðvitað alltaf verið eitthvað um þetta, en það virðist vera að tófan sé að færa sig upp á skaftið,“ segir hún.
Mismunandi er hvaða fyrirkomulag er á refaveiðum hjá sveitarfélögum. Grenjaskyttur fá mismikið greitt fyrir veiðarnar og á sumum svæðum er minna greitt fyrir vetrarveiði á ref. Guðný segir að hugmyndir hafi verið uppi um að færa tímabilið til. „Við eigum eftir að taka þetta til alvarlegrar umfjöllunar. Hvort að greiðslufyrirkomulaginu verður breytt eða ekki, á eftir að koma í ljós. En að sjálfsögðu tökum við þessu mjög alvarlega.“
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.