Ekki kemur titillinn á Krókinn í vor
Í dag tók Körfuknattleikssamband Íslands ákvörðun þess efnis að ekki verður keppt frekar á keppnistímabilinu 2019/2020. Núverandi stöðutafla er því lokastaða Dominos-deilda og 1. deilda. Það þýðir að lið Tindastóls endaði tímabilið í þriðja sæti Dominos-deildar karla, sæti ofar en vinir okkar úr Vesturbænum. Það er nú alltaf gaman.
Niðurstaða KKÍ var sú að Stjarnan er deildarmeistari í Dominos-deild karla og Fjölnir fellur í 1. deild. Þór Akureyri heldur sæti sínu í efstu deild. Engir Íslandsmeistarar verða krýndir í ár þar sem engin úrslitakeppni fer fram. Lið Hattar á Egilsstöðum fær sæti í Dominos-deildinni en það var efst í 1. deild karla þegar keppni var hætt.
Í Dominos-deild kvenna er Valur deildarmeistari og Fjölnir deildarmeistari í 1. deild kvenna og fer upp um deild á kostnað Grindvíkinga.
Þessar ákvarðanir KKÍ ríma við skoðanir Ingólfs Jóns Geirssonar, formanns Kkd. Tindastóls, í viðtali í Feyki í dag. Þar kom einnig fram að þrír leikmenn Tindastóls höfðu í vikunni beðið um leyfi til að halda heim á leið í ljósi aðstæðna og var að sjálfsögðu orðið við óskum þeirra. Þeir leikmenn sem vildu halda heim voru Deremy Geiger, Jasmin Petrovic og Sinisa Bilic. Fjórði erlendi leikmaður Tindastóls, Jaka Brodnik, er á Króknum með sinni konu.
Það má því segja að nú hellist hver ótíðindin af öðrum yfir okkur. Ekki nóg með að búið sé að aflýsa yfirvofandi sigri okkar Íslendinga í Eurovision heldur hefur nú verið tekin ákvörðun um að hætta keppni á Íslandsmótinu í körfubolta 2019-20. Það er því ljóst að ekki verða Tindastólsmenn Íslandsmeistarar í vor líkt og stefnt var að.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.