SSNV leita að verkefnastjóra

feykir.is Skagafjörður, Austur-Húnavatnssýsla, Vestur-Húnavatnssýsla 28.01.2020 kl. 10.02 frida@feykir.is

Samtök sveitarfélaga á Norðurlandi vestra, SSNV, auglýsa starf verkefnastjóra laust til umsóknar. Í auglýsingu á vef samtakanna segir að hér sé um að ræða nýtt og spennandi verkefni sem hafi það að markmiði að laða fjárfestingar í landshlutann í því skyni að fjölga þar störfum. Ráðið er í starfið til tveggja ára með möguleika á framlengingu.

Starfssvið:

  • Mat á fyrirliggjandi hugmyndum um iðnaðaruppbyggingu á Norðurlandi vestra.
  • Markaðssetning landshlutans sem fýsilegs fjárfestingarkosts, þ.m.t. gerð kynningarefnis, bein markaðssetning, samskipti við fjárfesta o.fl.
  • Mat og greining á innviðum.
  • Gerð viðskiptaáætlana og markaðsgreininga.
  • Samskipti við hagsmunaaðila.
  • Koma auga á tækifæri til atvinnuskapandi fjárfestinga í landshlutanum.

 

Menntunar- og hæfniskröfur:

  • Háskólamenntun sem nýtist í starfi.
  • Haldbær þekking/reynsla af rekstri.
  • Reynsla af fjárfestingum og atvinnuuppbyggingu er kostur.
  • Greiningarhæfni t.d. varðandi alþjóðlega tækni- og viðskiptaþróunar.
  • Þekking/reynsla af markaðsmálum.
  • Reynsla af verkefnastjórnun.
  • Góð almenn tölvufærni.
  • Samskiptahæfni, frumkvæði og sjálfstæði í vinnubrögðum.
  • Hæfni til að tjá sig í ræðu og riti á íslensku og ensku.

Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsóknarfrestur er til og með 2. febrúar 2020.

Sótt er um starfið í gegnum vef capacent.

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Bryndís Rut kampakát að loknum síðasta leik Tindastóls síðasta haust. MYND: ÓAB

    Þegar fyrsti leikur fer í gang er sumarið komið!

    feykir.is Skagafjörður, Íþróttir 20.04.2024 kl. 14.37 oli@feykir.is
    Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð. Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.
    Meira
  • Krásirnar og kvæðarausið stóðu algerlega undir væntingum í gamla fjósinu í Bólstaðarhlíð þetta menningarkvöld og voru gestir hæstánægðir að því loknu. - Beðist er velvirðingar á því að rangur myndatexti fór í pappírsútgáfu greinarinnar. MYNDIR: PALLI FRIÐRIKS

    Skemmtileg stund og sérlega þjóðleg

    feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10 oli@feykir.is
    Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.
    Meira

  • Er botninum náð, vísnavinir góðir?

    feykir.is Skagafjörður, Listir og menning 20.04.2024 kl. 11.27 oli@feykir.is
    Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.
    Meira
  • MYND.DAVÍÐ MÁR

    Umhverfisdagur FISK Seafood 2024

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12 gunnhildur@feykir.is
    Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.
    Meira
  • Hart barist í Smáranum. MYND AF FB

    Ævintýrið úti hjá liði Tindastóls

    feykir.is Skagafjörður, Íþróttir 19.04.2024 kl. 23.34 oli@feykir.is
    Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.
    Meira
Yfirlit frétta