Er skuldum Álftaness velt yfir á okkur?
Síðastliðinn þriðjudag var tekin sérstök umræðu á Alþingi um svo kallað aukaframlag Jöfnunarsjóðs. Þetta er framlag upp á 700 milljónir króna, sem í fyrra var sérstaklega ráðstafað til sveitarfélaga í skuldavanda. Nú hefur ríkisstjórnin tekið þá einhliða ákvörðun að ráðstafa rúmlega 40% eða 300 milljónum til eins sveitarfélags, Álftaness, sem þýðir þá samsvarandi lækkun á framlagi til annarra sveitarfélaga.
-Ég óskaði eftir því að þessi ákvörðun yrði endurskoðuð, enda væri hún í hæsta máta óréttlát. Því miður fékk ósk mín engar undirtektir. Mér virðist ríkisstjórnin alveg staðráðin í því að láta málið fara fram svona. Það er mjög alvarlegt, segir Einar K. Guðfinnsson alþingismaður en umræðan var tekin fyrir að hans frumkvæði.
-Þessi ákvörðun ríkisstjórnarinnar hefur í för með sér 40% skerðingu á fjármunum, til annarra sveitarfélaga, einkanlega á landsbyggðinni. Þetta kemur ofan í almenna skerðingu, vegna þess að þessi upphæð sem nú er 700 milljónir, var 1 milljarður í fyrra. Þessi sveitarfélög á landsbyggðinni eru þess vegna að fá á sig 60% skerðingu vegna þessa.
Á fundum með sveitarstjórnarmönnum í kjördæmavikunni var mjög kallað eftir því að þessu yrði breytt. Ég tók þetta mál upp í sérstakri umræðu við innanríkisráðherra sem fer með málefni sveitarfélaga. Ekkert í máli hans gaf mér til kynna að endurskoðunar væri að vænta og aðeins einn þeirra þingmanna úr stjórnarliðinu hvatti ráðherrann til að endurskoða ákvörðunina. Það var Björgvin G. Sigurðsson, aðrir virtust láta sér þetta vel líka. Það eru mikil vonbrigði, í ljósi þessa óréttlætis, segir Einar sem veltir þessum málum upp í aðsendri grein hér á Feyki en hægt er að nálgast hann HÉR.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
