Erla ráðin til textíllistamiðstöðvar í Kvennaskólanum á Blönduósi
Erla Gunnarsdóttir hefur verið ráðin í hálfa stöðu til að hafa umsjón með textíllistamiðstöð í Kvennaskólanum frá og með 1. janúar 2014. Erla er ferðamálafræðingur að mennt, mikil áhugakona um hönnun og listir og hefur áhuga á atvinnu- og menningaruppbyggingu í héraði.
Textíllistamiðstöð hefur verið rekin af Textílssetri Íslands síðan 2008. Markmið listamiðstöðvarinnar hefur verið frá upphafi að bjóða innlendum og erlendum textíllistamönnum starfsskilyrði og umhverfi sem veitir þeim innblástur í listsköpun sinni sem skilar sér aftur út í samfélagið hér á svæðinu, t.d. í formi sýninga og námskeiða.
Haustið 2012 kom Þekkingarsetrið að uppbyggingunni og er þetta nú orðið samstarfsverkefni beggja stofnanna.
Undanfarið hefur verið mikill áhugi frá, fyrst og fremst, erlendum listamönnum á listamiðstöðinni sem vilja koma til Blönduóss. Sumarið 2013 dvöldu 12 listamenn í Kvennaskólanum í sambandi við sumarverkefni sem unnið var í samstarfi við Nes listamiðstöðina á Skagaströnd. Þar sem að eftirspurn hefur verið mikil fyrir árið 2014 og 2015 var ákveðið að ráða umsjónarmann við verkefnið.
Markmið starfs umsjónarmannsins er m.a. að efla textíllistamiðstöðina og gera hana sýnilegri í samfélaginu, t.d. með að koma á samstarfi við skóla, söfn og setur á svæðinu og aðrar listamiðstöðvar á landinu. Allt útlit er fyrir að þetta verði spennandi og skemmtilegt verkefni, segir í fréttatilkynningu frá Kvennaskólanum.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
