Farandsýning, fyrirlestur og kjólasund
Kvenréttindafélag Íslands stendur fyrir farandsýningu um kvenréttindabaráttu síðustu 100 ára. Sýningin mun ferðast um landið á þessu ári og stoppa við mánuð í senn í hverju sveitarfélagi. Í apríl er sýningin á Blönduósi.
Í auglýsingu í Glugganum hvetur menninga-, tómstunda- og íþróttanefnd Blönduósbæjar sem flesta til þessa að koma við og kynna sér sögu kvenréttindabaráttunnar á Íslandi en sýningin er staðsett í Íþróttahúsinu á Blönduósi.
Í tengslum við sýninguna mun Héraðsbókasafnið standa fyrir þemadögum allan aprílmánuð þar sem hægt verður að nálgast á aðgengilegan hátt hinar ýmsu bækur sem tengjast efninu. Fimmtudaginn 9. apríl klukkan 19:00 mun sunddeild Hvatar efna til kjólasunds og eru allir, jafnt konur sem karla hvattir til þess að mæta í kjól og taka þátt.
Þriðjudaginn 14. apríl klukkan 16:00 mun Þór Jakobsson halda fyrirlestur um Sigurð Jónasson frá Eyjólfsstöðum í Vatnsdal, en hann þýddi Kúgun kvenna eftir John Stuart Mills sem reyndist verða grundvallarit í sögu kvenréttindabaráttu í heiminum. Þess má geta þess að sama dag klukkan 20:00 mun verða fyrirlestur í Kvennaskólanum um veðurfarsbreytingar en það verður auglýst nánar síðar.
Farandsýningin um kvenréttindabaráttuna síðustu 100 árin samanstendur af átta stórum spjöldum, myndskreyttum, með stuttum texta á ensku og íslensku og eru þau sett upp í tíma og þemaröð. Sýningin fer nú hringferð um landið, mánuð í hverju sveitarfélagi eins og áður sagði. Hún hóf för sína í Borgarnesi í janúar og endar í Reykjavík í desember.
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
