Félagar í Skotfélaginu Markviss gerðu góða ferð í Hafnarfjörðinn
SIH-OPEN, árlegt alþjóðlegt mót sem haldið er af Skotíþróttafélagi Hafnarfjarðar (SIH), fór fram dagana 2.-3. júlí. Keppendur voru 31 að þessu sinni frá 3 löndum en auk Íslendinga voru skotmenn og konur frá Danmörku og Svíþjóð. Skotfélagið Markviss á Blönduósi átti þar 2 keppendur, þá Brynjar Þór Guðmundsson og Guðmann Jónasson.
Fyrirkomulag mótsins er með þeim hætti að eftir fyrri dag er hópnum skipt í miðju, í A og B flokk og eftir seinni dag skjóta 6 efstu í hvorum flokk fyrir sig til úrslita. Eftir fyrri daginn voru báðir Markviss mennirnir fyrir ofan miðjan hóp, Brynjar í 11. sæti og Guðmann ásamt 2 öðrum í 3.- 5. sæti.
Seinni daginn voru veðurfarslegar aðstæður með versta móti og lækkaði meðalskor flestra keppenda nokkuð. Líklega hafa æfingar Markviss manna í norðaustan áttinni í vor skilað sér þar sem báðir náðu að halda nokkuð í horfinu frá því deginum áður. Brynjar komst upp í 9. sætið og Guðmann var í þriðja sæti inn í úrslit og hélt því.
Þess má geta að vindhraði var mældur á vellinum meðan keppni fór fram á sunnudeginum og mældist hann 17 m/sek. Nánari upplýsingar um úrslit má nálgast á heimasíðu SIH. www.sih.is.
/Húni.is
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
