Fjárdagur í Fljótum
Í byrjun október var haldinn Fjárdagur í Fljótum, á vegum Fjárræktarfélagsins í sveitinni. Feykir hafði samband við Jóhannes Ríkharðsson á Brúnastöðum og forvitnaðist um hvernig hefði til tekist, en Fjárdagurinn var haldinn í fjárhúsunum þar.
„Dagurinn var vel heppnaður og hjálpuðust allir þeir félagsmenn sem tóku þátt í deginum við framkvæmd hans en við á Brúnastöðum lögðum til aðstöðuna. Það mættu um 120 manns,“ sagði Jóhannes. Dagskráin var tvískipt, frá klukkan eitt til fjögur var hrútasýning vetur gamalla hrúta og lambhrúta, en sá liður var hugsaður fyrir félagsmenn. Aðaldómari á sýningunni var Eyþór Einarsson en meðdómendur Einar Gunnarsson og Halldór Steingrímsson Brimnesi, aðstoðardómari Þórarinn Halldórsson Ytri-Hofdölum.
Klukkan fjögur voru fjárhúsin opnuð almenningi og gestum boðið að skoða verðlaunahrútana, kynbóta lambrúta og gimbrar sem voru til sölu. „Einnig voru til sölu forystulömb en eingöngu til sýnis voru geitur, svín, kanínur og gæsir. Uppboð var á völdum lambhrútum og sá maddama Agnar á Miklabæ um uppboðið og fórst honum það vel úr hendi eins og vænta mátti. Auk þessa var Indriði á Eyrinni með sýningu á tölvustýrði flokkunarvigt fyrir sauðfé sem les örmerki og vakti sú sýning mikla lukku.
Boðið var upp á kaffi, kakó og kaffibrauð að hætti Fljótakvenna en það voru kvenkyns sauðfjárbændurnir sem sáu um þennan lið. Einnig var boðið upp á léttar veitingar í baukum í boði KS Eyri og Sauðfjárræktarfélagsins,“ sagði Jóhannes. En hvernig skildi fé í Fljótum koma af fjalli, eftir stutt og framan af kalt sumar? „Féð er ágætlega holdugt eftir sumarið enda sauðkindin harðgerð skepna eins og við Fljótamenn,“ sagði Jóhannes bóndi á Brúnastöðum.
Fleiri fréttir
-
JÓLIN MÍN | „Höfum almennt mjög gaman og borðum aðeins of mikið“
feykir.is Skagafjörður, Mannlíf, Lokað efni 20.12.2025 kl. 13.29Guðrún Björg Guðmundsdóttir býr á Sauðárkróki og er oftast kölluð Gunna. Hún er móðir tveggja uppkominna drengja og segist eiga tvær magnaðar tengdadætur og barnabörnin eru orðin sex talsins; fjórir drengir og tvær stúlkur. Gunna hefur starfað sem sjúkraliði við Heilbrigðisstofnunina á Króknum í bráðum 40 ár.Meira -
Gestir fóru með ljós í sinni út í skammdegisnóttina
feykir.is Skagafjörður, Listir og menning, Lokað efni 20.12.2025 kl. 12.40Í gærkvöldi fóru fram jólatónleikar Skagfirska kammerkórsins í Hóladómkirkju. Á dagskrá voru gömul og góð jólalög í bland við nýrri, m.a. var nýtt jólalag frumflutt sem var samið fyrir kórinn í tilefni af 25 ára afmæli hans, lagið er eftir Auði Guðjohnsen og ljóðið eftir okkar ástæla skáld, Sigurð Hansen, í Kringlumýri Skagafirði.Meira -
Bókaútgáfan Hólar gefur út bókina Segir mamma þín það?
feykir.is Skagafjörður, Listir og menning, Lokað efni 20.12.2025 kl. 11.14Hjá Bókaútgáfunni Hólum kom í haust út bókin Segir mamma þín það? eftir Guðjón Inga Eiríksson. Hún inniheldur gamansögur úr skólum, vítt og breitt um landið, og auðvitað koma Skagfirðingar þar við sögu. Hér á eftir verður gripið niður í bókina...Meira -
Tengill bauð lægst í rafbúnað fyrir Skagastrandarhöfn
feykir.is Austur-Húnavatnssýsla, Lokað efni 20.12.2025 kl. 10.10Alls bárust sex tilboð í rafbúnað og uppsetningu og tengingar á honum fyrir Ásgarð og Miðgarð við Skagastrandarhöfn. Verkið var boðið út í nóvember og rann tilboðsfrestur út 2. desember síðastliðinn. Áætlaður verkkostnaður er 31,5 milljónir króna og lægstbjóðandi var Tengill á Sauðárkróki, sem bauð 23,3 milljónir í verkið eða 74% af kostnaðaráætlun.Meira -
Raggý gefur okkur smá innsýn í sinn jólaheim
feykir.is Skagafjörður, Lokað efni 20.12.2025 kl. 09.00Blaðamaður setti sig í samband við nokkrar alvöru jólakúlur og forvitnaðist um jólin og jólatréið á heimilinu. Allir hafa sínar jóla „trés“sérviskur og áhugavert að heyra misjafnar hefðir á heimilum fólks þegar kemur að jólatrénu. Sumir eru alltaf með lifandi tré á meðan aðrir eru með gervi. Hjá sumum eru það helgispjöll að skreyta tréið fyrr en á Þorláksmessu, bannað að kveikja fyrr en klukkan sex á aðfangadag á meðan sum heimili setja tréið í fullan skrúða í upphafi aðventu. Gervitré eru ekki jólatré, það vantar allan ilminn, segja sumir á meðan aðrir segja; ekkert lifandi tré á mitt heimili með öllu því dýralífi sem því getur fylgt. Þetta eru allt saman örfá dæmi um jólatréssérviskur fólks.Meira
