Fjárhagsáætlun 2014 fyrir Húnavatnshrepp samþykkt
Gert er ráð fyrir 2,4 m.kr. afgangi af rekstri Húnavatnshrepps á næsta ári samkvæmt fjárhagsáætlun 2014 sem samþykkt var á hreppsnefndarfundi í síðustu viku. Áætlað er að tekjur munu hækka um 14,5 m.kr. og að rekstrargjöld muni hækka um 15,2 m.kr. Ekki er gert ráð fyrir að ný lán verði tekin á árinu.
Fjárhagsáætlunin vegna ársins 2014 er að grunni til byggð á bókfærðri stöðu og áætlun fyrra árs, með viðaukum. Í forsendum hennar er gert ráð fyrir að launaliðir hækki að jafnaði um 5,6% frá fyrra ári og aðrir rekstrarliðir um 3%.
Áætlað er að tekjur A og B hluta hækki um 14,5 m.kr. frá fyrra ári og verði alls um 343 m.kr. Gert er ráð fyrir að rekstrargjöld án fjármagnsliða hækki um 15,2 m.kr. og verði rúmar 334 m.kr. Tekjur skiptast þannig að skatttekjur eru áætlaðar 54,8%, aðrar tekjur 16,2% og framlög Jöfnunarsjóðs 29%.
Rekstrarafgangur A og B hluta fyrir fjármagnsliði er áætlaður um 8,5 m.kr. og að teknu tilliti til fjármagnsliða er rekstrarafgangur áætlaður um 2,4 m.kr. Í áætlun um sjóðstreymi er gert ráð fyrir að veltufé frá rekstri verði 14,8 m.kr.
Framkvæmdir eru áætlaðar við gluggaskipti í Húnavallaskóla, endurbætur á kennsluálmu og heimilisfræðistofu, ofnakerfi í matsal, tækjakaup, vöktunarkerfi við sundlaug og frágangi við bílaplön, samtals að upphæð 12,5 m.kr. Ekki mun vera gert ráð fyrir lántökum á árinu í fjárhagsáætlun Húnavatnshrepps fyrir árið 2014. Sagt er frá þessu á Húnahorninu og heimasíðu Húnavatnshrepps.
Fleiri fréttir
-
Skagstrendingar gera klárt fyrir framkvæmdir sumarsins
feykir.is Austur-Húnavatnssýsla 25.02.2026 kl. 16.42Á Skagaströnd hefur verið unnið markvisst að umbótum á innviðum og þjónustu undanfarin misseri, samhliða því að undirbúningur fyrir sumarið er kominn vel á veg. Fjölbreyttar framkvæmdir eru í gangi á sviði mannvirkja, skólamála, gatnakerfis og hafnaraðstöðu.Meira -
Glaumbær hlýtur sérstaka viðurkenningu
feykir.is Skagafjörður 25.02.2026 kl. 13.00Hvatningarverðlaun CIE Tours til framúrskarandi fyrirtækja í ferðaþjónustu voru veitt við hátíðlega athöfn á veitingastaðnum MAR Seafood í Reykjavík í gær, 24. febrúar. Þetta er í annað sinn sem verðlaunin eru veitt hér á landi en þau eru einnig veitt árlega í Bretlandi og á Írlandi. Meðal þeirra sem hlutu sérstaka viðurkenningu var Glaumbær Museum.Meira -
Framúrskarandi verkefni 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.31Samtök sveitarfélaga á Norðurlandi vestra kallar eftir tilnefningum til framúrskarandi verkefna á Norðurlandi vestra á árinu 2025. Þetta er í sjöunda sinn sem viðurkenningin verður veitt og gert er ráð fyrir að hún verði afhent í lok mars 2026. Viðurkenningarnar eru veittar í tveimur flokkum: Annars vegar verkefni á sviði atvinnuþróunar og nýsköpunar og hins vegar verkefni á sviði menningar.Meira -
Keppni í Meistaradeild KS frestað til föstudags
feykir.is Skagafjörður, Íþróttir 25.02.2026 kl. 09.16Í kvöld átti að keppa í slaktaumatölti T2 í Meistaradeild KS í hestaíþróttum í Reiðhöllinni Svaðastöðum. Vegna slæmrar veðurspár fyrir kvöldið, en spáð er snarpri sunnanátt og snjókomu í Skagafirði, hefur verið tekin ákvörðun um að fresta keppni og verður mótið þess í stað haldið föstudaginn 27. febrúar klukkan 19:00.Meira -
Veður fer versnandi þegar líður á daginn
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.01Vegir á Norðurlandi vestra er færir en á flestum þeirra er þó hálka eða hálkublettir. Á vegum á Skaga og Tröllaskaga er ýmis skafrenningur eða éljagangur og því vissara að kanna aðstæður áður en lagst er í ferðalög því gert er ráð fyrir snjókomu þegar líður á daginn og auknum vindi þegar kvöldið nálgast.Meira
