Fjölbreytt dagskrá á Sögulegri safnahelgi
Um næstu helgi verður svokölluð Söguleg safnahelgi, dagana 8.-9. október, í tengslum við verkefnið Huggulegt haust sem er á vegum ferðaþjónustuaðila á Norðurlandi vestra, ásamt söfnum og setrum á svæðinu. Með verkefninu er vonast til að vekja sérstaka athygli á því sem svæðið hefur upp á að bjóða á haustin.
Í tengslum við Huggulegt Haust hefur verið lögð sérstök áhersla á að kynna þær hefðbundnu fjár- og stóðréttir sem fóru víða fram um helgar í september og október. Söfn og setur á svæðinu hafa einnig tekið höndum saman og ákveðið að taka þátt í verkefninu. Þá verður bætt við haustopnunartímann og með opnu húsi og sérstakri dagskrá hjá fjölmörgum söfnum og setrum á Hvammstanga, Laugarbakka, Blönduósi, Skagaströnd og í Skagafirði. Með þessu verður fram framboð afþreyingar fjölbreyttara og ættu allir að finna sér eitthvað við hæfi. Þeir sem heimsækja að minnsta kosti fjögur söfn geta átt von á að vinna til glæsilegra vinninga.
Þau söfn sem taka þátt í safna- og setrahelginni á Norðurlandi vestra eru:
- Árnes, elsta hús á Skagaströnd
- Byggðasafn Skagfirðinga, Glaumbæ
- Byggðasafn Húnvetninga og Strandamanna á Reykjum í Hrútafirði
- Eyvindarstofa, Pottinum á Blönduósi
- Grettisból á Laugarbakka
- Hafíssetrið á Blönduósi
- Heimilisiðnaðarsafnið á Blönduósi
- Kántrýsetrið á Skagaströnd
- Kvennaskólinn á Blönduósi
- Langafit-handverkshús á Laugarbakka
- Nes Listamiðstöð á Skagaströnd
- Selasetur Íslands á Hvammstanga
- Háskólasetrið í Kvennaskólanum á Blönduósi
- Rannsóknarsetur HÍ á Norðurlandi vestra á Skagaströnd
- Spákonuhof á Skagaströnd
- Textílsetur Íslands á Blönduósi
- Verslunarminjasafnið á Hvammstanga
- Þingeyrarkirkja
Á heimasíðunni huggulegthaust.is má finna nánari upplýsingar um opnunartíma og dagskrá safna og setra á Norðurlandi vestra um næstu helgi. Verkefnið er unnið í samstarfi við SSNV atvinnuþróun og styrkt af Menningarráð Norðurlandi vestra.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
