Föstudagur í Húnavöku
Eins og Feykir hefur sagt frá hófst Húnavaka á Blönduósi formlega í gærkvöldi. Nú stendur yfir bein útsending frá Blönduósi í þættinum Virkir morgnar, eða Sumar morgnar eins og hann kallast þessa dagana.
Stóri fyrirtækjadagurinn hefst kl 12. Fyrirtækin N1 píparinn, Ístex, Bifreiðaverkstæði Blönduóss, Ísgel, Átak og Léttitækni taka á móti gestum og opna fyrirtæki sín að Efstubraut. Grill og gaman frá kl. 12 til 16. SAH afurðir taka á móti gestum frá kl. 13 til 15 í höfuðstöðvum fyrirtækisins. Þar verður grill, kynning á vörum og Húnavökutilboð á grillkjöti.
Samkaup verða með ís í boði fyrir börnin frá kl. 14, á meðan birgðir endast og þar verða ýmis tilboð í gangi. Stígandi tekur á móti gestum frá kl. 12 til 17 og Vilkó á sama tíma. Þar verða léttar veitingar í boði og Húnavökutilboð á vörum fyrirtækisins.
Bókamarkaður opnar í Héraðsbókasafninu kl. 14 og verður opið til 18. Á sama tíma verður veltibíllinn í boði TM staðsettur á plani við félagsheimili. Aðgangur að honum er ókeypis. Laser tag og paint ball opna kl 16. Sirkus Ísland sýnir Heima er best kl. 16 og fullorðinssýninguna Skinnsemi kl 20.
Frá 17 til 19 verður tekið á móti sultum á Hótel Blönduísi en þar mun dómnefnd sjá um smökkun og gefa einkunnir fyrir bragð, útlit og fallegustu krukkuna. Verðlaunahafi verður krýndur á laugardagskvöldið. Klukkan 20 hefst svo stórleikur Kormáks/Hvatar og KB á Blönduósvelli en liðið leika í 4. deild karla í knattspyrnu. Deginum lýkur svo með 16 ára balli með Steinda JR, Bent og félögum í Félagsheimilinu.
Ljósmyndasýning áhugaljósmyndaranna Höskuldar B. Erlingssonar, Róberts Daníels Jónssonar og Daníels Mána Róbertssonar opnaði kl átta í morgun í íþróttahúsinu og þar er opið til kl. 21 í kvöld. Sýningin, sem er sölusýning, er prýdd fuglaljósmyndum sem þeir félagar hafa tekið. Myndir eru til sýnis bæði í anddyrinu og heitu pottunum.
Opið er í Heimilisiðnaðarsafninu frá kl. 10-17 og er vakin athygli á sérsýningu sumarsins Fínerí úr forum formæðra. Laxasetrið er opið frá kl. 11-17. Hafíssetrið er einnig opið frá 13 til 17 og Textílsetur Íslands á sama tíma. Þar eru sýningar á jurtalituðu bandi og vörum Guðrúnar Bjarnadóttur, náttúrufræðings frá Hespuhúsinu. Minjastofa Kvennaskólans og Vatnsdæla á refli.
Hestaleigan Galsi er með opið alla helgina og flugklúbbur Blönduóss bíður upp á útsýnisflug, gegn pöntunum, ef veður og aðstæður leyfa.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
