Framsóknarmenn ánægðir með Ásmund Einar
-Ásmundur Einar hefur sýnt að hann er kjarkmikill stjórnmálamaður þótt hann sé ekki nema 28 ára gamall. Hann hefur sýnt að hann er trúr þeim hugsjónum sem hann vill vinna að og telur augljóslega að þar eigi hann betur samleið með okkur, segir Gunnar Bragi Sveinsson þingflokksformaður Framsóknarflokksins.
-Það eru fjölmörg dæmi um að þingmenn skipti um flokka þannig að þetta er alls ekkert nýtt. Koma Ásmundar styrkir Framsóknarflokkinn, ekki síst til framtíðar litið því stjórnmálaflokkarnir eiga oft erfitt með að endurnýja sig. Framsóknarflokkurinn hefur einn flokka gengið í gegnum miklar breytingar og endurnýjun á fólki og stefnumálum en búum vitanlega að gömlum og góðum grunni. Eins og flestir vita er öflugt og gott starf í Framsóknarflokknum í kjördæminu þannig að Ásmundur gengur inn í gott félagsstarf sem ég veit að mun taka honum vel. Gunnar Bragi segir að það sem hann þekki til skoðana hans á ákveðnum málum þá líkar honum það vel og nefnir dæmi um afstöðu til Evrópusambandsins en þar séu þeir á sömu línu. -Ég hlakka því til samstarfsins við Ásmund Einar, segir Gunnar Bragi.
Þá hefur stjórn Kjördæmissambands framsóknarmanna í Norðvesturkjördæmi samþykkt eftirfarandi ályktun í tilefni af komu Ásmundar Einars Daðasonar í Framsóknarflokkinn:
Stjórn Kjördæmissambands framsóknarmanna í Norðvesturkjördæmi (KFNV) býður Ásmund Einar Daðason velkominn í Framsóknarflokkinn og fagnar liðsinni hans við að vinna að framgangi stefnumála flokksins, jafnt á landsvísu sem og í Norðvesturkjördæmi. Með aðild Ásmundar Einars að Framsóknarflokknum bætist þriðji þingmaðurinn við í raðir þingmanna Framsóknarflokksins í Norðvesturkjördæmi og hefur hann nú á að skipa flestum þingmönnum allra flokka í kjördæminu eða þriðjungi þeirra.
Stjórn KFNV lýsir yfir ánægju sinni með að sífellt fjölgar í hópi þess fólks sem vill leggja sitt af mörkum til að vinna að mikilvægum framfaramálum í þágu þjóðarinnar og styður þ.a.l. stefnu Framsóknarflokksins. Ásmundur Einar hefur vakið athygli fyrir vasklega framgöngu á Alþingi Íslendinga og þykir ljóst að með aðild hans að þingflokki framsóknarmanna mun þungi stefnuáherslna flokksins aukast enn frekar.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
