Framtíð fyrir brothættar byggðir
Árið 2012 hófst tilraunaverkefni á Raufarhöfn að frumkvæði Byggðastofnunar. Verkefnið sem hlaut heitið „Brothættar byggðir“ nær nú að auki til Bíldudals, Breiðdalshrepps og Skaftárhrepps. Nú hefur verið ákveðið að auglýsa eftir fleiri þátttakendum í verkefnið. Sagt er frá þessu á vef Byggðastofnunar.
Markmiðið er m.a. að leiða fram skoðanir íbúanna sjálfra á framtíðarmöguleikum heimabyggðarinnar og leita lausna á þeirra forsendum, í samvinnu við ríkisvaldið, landshlutasamtök, atvinnuþróunarfélag, sveitarfélagið, brottflutta íbúa og aðra.
Aðferðin byggist á að halda tveggja daga íbúaþing þar sem rædd er staða byggðarinnar og leiðir til úrlausna. Á íbúaþinginu leggja íbúarnir sjálfir til umræðuefni og raða viðfangsefnunum eftir mikilvægi. Framhald verkefnisins byggir á niðurstöðum íbúaþingsins og eru íbúar upplýstir um hvernig skilaboð þingsins eru höfð til hliðsjónar og málum fylgt eftir, t.d. með því að kynna áherslur íbúa fyrir ríkisvaldi og stofnunum.
Í verkefnisstjórn á hverjum stað sitja fulltrúar Byggðastofnunar, sveitarfélagsins, landshlutasamtaka sveitarfélaga, atvinnuþróunarfélags og íbúa. Verkefnið hefur nú þegar skilað umtalsverðum árangri við að virkja heimamenn.
Svæðin fjögur sem nú er unnið á eiga sameiginlegt að þar hefur á síðustu árum verið mikil fólksfækkun og skekkt aldursdreifing. Allir þessir staðir eru á svokölluðum köldum svæðum og skortur er á húsnæði, sérstaklega íbúðarhúsnæði á leigumarkaði.
Verið er að móta verkefnið til framtíðar, byggt á þeirri reynslu sem þegar hefur fengist, þannig að það geti orðið verkfæri eða viðvarandi áætlun til að taka á alvarlegum vanda einstakra byggðarlaga, vegna neikvæðrar íbúaþróunar og/eða vanda í atvinnulífi.
Ákveðið hefur verið að auglýsa eftir umsækjendum um þátttöku í verkefninu og hér má sjá hvernig standa skal að þeirri umsókn. Umsóknarfrestur er til 15. maí næstkomandi. Auglýsingu sem birtist í dagblöðum og nánari upplýsingar má sjá á vef Byggðastofnunar.
Fleiri fréttir
-
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira -
Spáð skaplegu veðri um hvítasunnuna en engum hlýindum
feykir.is Skagafjörður, Austur-Húnavatnssýsla, Vestur-Húnavatnssýsla 06.06.2025 kl. 10.00Loks virðist veðrinu vera að slota hér á Norðurlandi vestra og útlit fyrir skaplegt veður um hvítasunnuhelgina þó ekki verði reyndar hlýindunum fyrir að fara. Í morgun var kalt á Króknum og það meira að segja snjóaði pínu í morgunsárið. En nú gerir Veðurstofan ráð fyrir að það birti þegar líður á daginn en almennt er reiknað með um fimm stiga hita og fimm m/sek að norðan í dag.Meira -
BioPol hlaut styrk frá Matvælasjóði
feykir.is Austur-Húnavatnssýsla, Lokað efni 06.06.2025 kl. 09.26Sjávarlíftæknisetrið BioPol á Skagaströnd fékk nýverið tæplega þrigga milljón króna styrk frá Matvælasjóði til verkefnis sem kallast SeaTofu og snýst um að kanna fýsileika, greina og útfæra hugmynd tengdri íslenskri matvælaframleiðslu. Alls hlutu 40 verkefni styrk að þessu sinni en 129 umsóknir upp á rúmlega tvo milljarða bárust til sjóðsins.Meira -
Enginn lax á land á opnunardegi í Blöndu
feykir.is Austur-Húnavatnssýsla, Lokað efni 06.06.2025 kl. 09.06Enginn lax kom á land í opnun Blöndu í gær en aðstæður fyrir veiðimenn voru erfiðar, rok, úrkoma og skítakuldi. Í frétt Húnahornsins segir að auk þess hafi áin verið vatnsmikil og lituð því sökum úrkomu hefur vatnsmagn í lækjum margfaldast. Opnanir í Blöndu hafa ekki gefið mikið af sér síðustu ár og á því varð ekki breyting að þessu sinni.Meira -
„Erum ennþá að móta okkur í deildinni“
feykir.is Skagafjörður, Íþróttir, Lokað efni 05.06.2025 kl. 18.51„Sigurinn var virkilega sætur og skipti okkur miklu máli,“ segir Konráð Freyr Sigurðsson, Konni, þjálfari Tindastóls þegar Feykir spurði hann út í leikinn gegn Knattspyrnufélagi Fjallabyggðar sem var spilaður í gærkvöldi. Stólarnir unnu leikinn, gerðu sigurmarkið á 99. mínútu og nældu í dýrmætan sigur í kjölfar þriggja tapleikja.Meira
