Fundað verður með ráðherra um löggæslumál í Húnaþingi vestra
Löggæslumál á Norðurlandi vestra, ekki hvað síst í Húnaþingi vestra, hafa verið mikið í umræðunni í kjölfar þess þegar bíll fór í höfnina á Hvammstanga 24. ágúst sl. Sveitarstjórn og byggðaráð Húnaþings vestra hefur fjallað um viðbragðstíma lögreglu, og einnig hefur verið fjallað um aðstæður á Blöndubrú vegna viðhalds þar.
Sveitarstjórn Húnaþings vestra lagði á fundi sínum síðast liðinn fimmtudag fram bókum um löggæslu í héraðinu. Byggðarráð hafði áður fjallað um málið á fundi 5. september, í kjölfars þess að tvær klukkustundir liðu frá því að útkall barst þar til lögregla kom á vettvang á Hvammstanga.
Í bókun sem lögð var fram á fundinum segir meðal annars: „Sveitarstjórn Húnaþings vestra tekur undir áhyggjur byggðaráðs af óviðunandi stöðu og fámenni lögreglunnar á Norðurlandi vestra.“ Þá ítrekar sveitarstjórn þær kröfur sem komið hafa fram allt frá því að lögregluumdæmi voru sameinuð árið 2014, að á Hvammstanga verði mönnuð lögreglustöð til að sinna því stóra svæði sem sveitarfélagið nær yfir.
„Viðbragðstími lögreglu þegar alvarleg atvik eiga sér stað er eins og dæmin hafa sannað með öllu óviðunandi og veldur því að hætta skapast og íbúar upplifa óöryggi. Við það verður ekki búið lengur,“ segir í bókun sveitarstjórnar. Þá kemur fram í bókunni að til að hægt sé að manna lögreglustöð á Hvammstanga þurfi að fjölga í lögregluliði umdæmisins alls og gerir sveitarstjórn kröfur um að svo verði gert hið allra fyrsta.
Byggðaráð Húnaþings vestra fjallaði aftur um málið á fundi sl. mánudag. Höfðu þá borist gögn frá lögreglustjóra Norðurlands vestra um vaktafyrirkomulag lögreglunnar. Samkvæmt því mun vaktir vera þannig að á tveimur vöktum eru fjórir lögreglumenn á annarri stöðinni en þrír lögreglumenn á hinni stöðinni. Því eru alls sjö lögreglumenn á vakt hverju sinni.
Fram kom á fundi byggðaráðs með lögreglustjóra að ekki væri til fjármagn til að kalla menn út á aukavaktir þegar um forföll er að ræða og því hefur komið fyrir að aðeins einn lögreglumaður er starfandi á svæðinu sem nær frá miðri Öxnadalsheiði að miðri Holtavörðuheiði. Þá er unnið að þjálfun starfsmanna, s.s. skot- og valdbeitingarþjálfun, á venjubundnum vöktum starfsmanna sem gerir viðbragðstíma lengri en annars.
Þá kemur fram í fundargerð byggðaráðs að enn sé beðið eftir gögnum frá lögreglu um samskipti við 112 þegar áðurnefnd atvik varð þann 24. ágúst og áhættumati sem gert hefur verið fyrir svæðið. Loks segir í fundargerðinni að ráðherra hafi staðfest fundartíma þann 21. september nk. Um löggæslumál í Húnaþingi vestra.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
