Gangnamannamaturinn
Það er bóndinn og ráðunauturinn Sigríður Ólafsdóttir í Víðidalstungu sem var matgæðingurinn í tbl 37 en það var hún Ragnheiður Jóna sveitarstjóri Húnaþings vestra sem skoraði á hana að taka við af sér.
„Ég er lélegasti kokkur í heimi og elda í mesta lagi einu sinni á ári, þá fyrir göngur og alltaf með hjálp frá systur minni (lesist: hún ber hitann og þungann af eldamennskunni). Þetta er semsagt það sem ég býð gangnafólkinu mínu upp á á hverju hausti, einfalt og þægilegt, og fólkið mitt hefur ekki kvartað hingað til (mögulega af því að allur matur smakkast betur fram á heiði)“ segir Sigríður.
AÐALRÉTTUR
Gangnamannamaturinn
Lambalæri fyrir 6
Meðalstórt úrbeinað lambalæri
Best á lambið krydd
Aðferð:
Helling af kryddi smurt á lærið og það sett inn í ofn í 1,5 klukkustund eða þangað til kjötmælirinn segir 65 gráður.
Kartöflusalat
2 kg kartöflur
4 græn epli
1 bolli sweet relish
1 stór dós létt mæjones
1 dl sætt sinnep
Salt og svartur pipar eftir smekk
Aðferð:
Kartöflur soðnar, skrældar og brytjaðar niður, epli skræld og brytjuð niður. Majonesi, sweet relish og sinnepi maukað saman og blandað saman við kartöflur og epli, salti og pipar blandað út í. Ef sinnepsbragðið kemur of sterkt í gegn er gott að bæta aukadassi af pipar út í.
Piparostasósa
3 piparostar
1,5 ltr rjómi eða matreiðslurjómi
1-2 stk kjúklingakjötkraftur
Aðferð:
Ostur skorinn niður eða rifinn í matvinnsluvél (betra að rífa því þá er hann fljótari að bráðna). Ostur hitaður í potti á lágum hita með ½ ltr af rjóma þar til hann er að mestu bráðinn, rest af rjóma og kjúklingakraftur settur saman við, hrært í allan tímann svo osturinn brenni ekki við, sósan er tilbúin þegar allur osturinn er bráðnaður og sósan orðin temmilega þykk.
EFTIRRÉTTUR
Það var enginn forréttur og hvað þá eftirréttur enda kann ég ekkert að elda svoleiðis!
Hún skoraði á Magnús Ásgeir Elíasson á Stóru-Ásgeirsá en hann er einmitt matgæðingur vikunnar í tbl 39 sem kom út á miðvikudaginn.
Fleiri fréttir
-
Þegar fyrsti leikur fer í gang er sumarið komið!
feykir.is Skagafjörður, Íþróttir 20.04.2024 kl. 14.37Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð. Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.Meira -
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.