Gjörsamlega óboðlegt ástand
Hvers vegna hefur ráðherra ekki staðfest endurskoðað aðalskipulag Blönduóssbæjar, Sveitarfélagsins Skagafjarðar og Húnavatnshrepps?, spyr Einar K. Guðfinnsson alþingismaður Svandísi Svavarsdóttur umhverfisráðherra í fyrirspurn sem hann hefur lagt fram á Alþingi. Ástæðuna segir Einar vera þá að óþolandi tafir hafa orðið á því að umhverfisráðherra skrifi undir tillögu að nýju skipulagi, ofangreindra sveitarfélaga.
Einar segir að vinna við aðalskipulagið hafi verið faglega unnin, ljóst sé að skipulagsmálin eru á stjórnsýslulegu forræði sveitarfélaganna, en hins vegar þurfi undirskrift ráðherra svo að skipulagið sé staðfest.
-Það er ljóst mál að tafirnar sem hafa orðið stafa af deilunum sem hafa verið um vegastæði á þjóðvegi 1. í þessum sveitarfélögum. Fyrir liggur skýr afstaða sveitarfélaganna, þau vilja ekki gera þessar breytingar á legu vegarins, en svo virðist sem stofnanir ríkisins séu á öðru máli og þar stendur hnífurinn í kúnni.
Einar segir þetta að þetta gjörsamlega óboðlegt ástand, eins og allir hljóti að sjá en með fyrirspurninni vill hann freista þess að þrýsta á um að þetta mál verði afgreitt hið snarasta í samræmi við vilja heimamanna og sveitarstjórnanna.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
