Hætta á flughálku með hlýnandi veðri
Nú er eða hlýna á landinu úr vestri með snjókomu, slyddu og síðar rigningu. Samkvæmt vef Vegagerðarinnar er hætt við að flughált verði við þessi umskipti að loknum frostakafla, þegar blotnar á klaka og þjappaðan snjó sem fyrir er. Hálka er á flestum vegum á Norðurlandi en sumstaðar snjóþekja, einkum á útvegum.
Vaxandi sunnan átt er á Ströndum og Norðurlandi vestra, 8-15 m/s og dálítil slydda eða rigning upp úr hádegi, hvassast á annesjum. Hiti 0 til 5 stig síðdegis. Sunnan 8-13 í fyrramálið og stöku él, en hægari og þurrt að mestu seint á morgun og kólnar.
Á þriðjudag:
Sunnan 3-10 m/s og lítilsháttar slydda eða rigning á S- og V-landi, hiti 0 til 4 stig. Annars staðar bjart að mestu og frost 0 til 5 stig.
Á miðvikudag:
Fremur hæg austlæg átt, skýjað og dálítil væta S- og V-til, en að mestu bjart N-lands. Frostlaust með S- og V-ströndinni, annars frost 0 til 7 stig.
Á fimmtudag:
Stíf norðaustlæg átt og snjókoma eða slydda N- og A-lands, en rigning eða slydda sunnan heiða. Frost 0 til 4 stig, en rétt yfir frostmarki syðst.
Á föstudag:
Austlæg átt 5-13 m/s og rigning eða slydda S- og V-lands, en stöku él A-ast. Úrkomulaust annars staðar. Vægt frost víða, en frostlaust S- og SV-til.
Á laugardag:
Stíf austlæg átt. Rigning um landið S-vert og hiti 1 til 6 stig, en slydda eða rigning fyrir norðan og hiti um frostmark.
Á sunnudag:
Útlit fyrir norðaustlæga átt og snjókomu eða slyddu NV-til, annars breytileg átt og rigning með köflum. Hiti breytist lítið.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
