Hagnaður um 66,3 milljónir kr.

feykir.is Austur-Húnavatnssýsla 14.05.2014 kl. 09.02

Í ársreikningi sveitarfélagsins Skagastrandar kemur fram að rekstrartekjur samstæðunnar voru 537 m.kr. en voru 497,4 m.kr. árið 2012 og hafa hækkað um 8% milli ára. Rekstrarniðurstaða var jákvæð á árinu um 66,3 m.kr. í samanburði við 134,7 m.kr. neikvæða afkomu árið 2012.

Í síðari umræðu um ársreikninginn á fundi hjá sveitarstjórninni sl. mánudag kom fram að rekstrarafkoma ársins 2012 markaðist af því að undir rekstur þess árs var fært 180 m.kr. óafturkræft framlag til hitaveituframkvæmda en án þess framlags hefði rekstur ársins verið jákvæður um 45,3 milljónir. Rekstrargjöld samstæðu námu 480,8 milljónum en voru 462,5 milljónir 2012 fyrir utan umrætt 180 milljóna hitaveituframlag. Rekstrarafkoma hefur batnað milli ára um 26,4 milljónir að teknu tilliti til kostnaðar vegna hitaveituframkvæmda. Rekstrarniðurstaða samstæðunnar er 35,5 milljónum hagstæðari en fjárhagsáætlun með viðaukum gerði ráð fyrir en áætluð rekstrarafkoma ársins var 30,8 milljónir.

Eigið fé samstæðu í árslok 2013 nam 1.209 m.kr. samkvæmt efnahagsreikningi. Eiginfjárhlutfall samstæðu var 72% í lok árs 2013 en var 71,4% árið 2012. Veltufjárhlutfall samstæðunnar nam 8,65 en var 9.08 í árslok 2012. Samkvæmt yfirliti um sjóðstreymi var veltufél frá rekstri samstæðunnar 75,3 m.kr. og handbært fé frá rekstri 73,4 m.kr. Handbært fé samstæðunnar nam 520,8 m.kr. í árslok en var 490,1 m.kr. í árslok 2012.

Sveitastjórn samþykkti ársreikning og áritaði að lokinni umræðu.

Til baka

Fleiri fréttir

  • Menn með klassíska djókið á hreinu. MYNDIR: PETUR OG ÓLI

    Myndasyrpa frá brautskráningu FNV

    feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44 oli@feykir.is
    Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.
    Meira

  • Rekstur Húnabyggðar skilaði 210 milljóna afgangi

    feykir.is Austur-Húnavatnssýsla, Lokað efni 29.05.2025 kl. 19.50 oli@feykir.is
    Rekstur Húnabyggðar gekk vonum framar á síðasta ári og samkvæmt ársreikningi 2024 varð rekstrarniðurstaðan jákvæð um rúmlega 210 milljónir króna. Eigið fé í lok árs 2024 nam 1,5 milljarði. Í frétt á Húnahorninu segir að rekstrartekjur sveitarfélagsins í fyrra námu rúmum 2,9 milljörðum og þar af voru skatttekjur tæpir 1,3 milljarðar. Rekstrargjöld námu um 2,4 milljörðum og þar af voru laun og launatengd gjöld um 1,4 milljarður. Afskriftir námu 149 milljónum og fjármagnsgjöld tæpum 180 milljónum. Niðurstaðan er 184 milljónum betri en áætlun gerði ráð fyrir.
    Meira
  • Nemendur Fjölbrautaskóla Norðurlands vestra sem viðstaddir voru brautskráninguna ásamt Ingileif, Kela og Kristjáni Bjarna sem öll láta af störfum að skólaári loknu. MYND: HINIR SÖMU

    161 nemandi brautskráðist frá FNV í gær

    feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 29.05.2025 kl. 10.31 oli@feykir.is
    Fjölbrautaskóla Norðurlands vestra var slitið við hátiðlega athöfn miðvikudaginn 28. maí. Frá skólanum brautskráðust 161 nemandi af öllum brautum skólans. Ingileif Oddsdóttir, skólameistari, og Þorkell V. Þorsteinsson, aðstoðarskólameistari, stýrðu athöfninni. Þau sérstöku tímamót verða við skólann að loknu þessu skólaári að þrír stjórnenda skólans; Ingileif skólameistari, Keli aðstoðarskólameistari og Kristján Bjarni Halldórsson áfangastjóri, láta af störfum.
    Meira
  • Lilja Rafney Magnúsdóttir, þingmaður Flokks fólksins í Norðvesturkjördæmi. MYND AF ALTHINGI.IS

    Sjómenn til hamingju! | Lilja Rafney Magnúsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.05.2025 kl. 10.29 oli@feykir.is
    Sjómenn Íslands fyrr og nú eiga heiður skilinn fyrir framlag sitt til íslensks samfélags. Það þarf sterk bein til að sækja sjó því það er ekki alltaf logn og blíða og veður geta oft verið válynd og æðruleysi og dugnaður hefur einkennt íslenska sjómannastétt.
    Meira
  • Það eru margir sem hafa átt góða daga við veiðar í Blöndu. Upp á síðkastið hafa menn þó verið pínu skaffaðir með veiðina. MYND: STEBBI LÍSU

    Rannsóknir efldar á vatnasviði Blöndu

    feykir.is Austur-Húnavatnssýsla, Lokað efni 29.05.2025 kl. 10.18 oli@feykir.is
    Landsvirkjun og Veiðifélag Svartár og Blöndu komust í vetur að samkomulagi um kostun Landsvirkjunar á vöktun seiðastofna í báðum ám. Í frétt Húnahornsins segir að Landsvirkjun muni einnig kosta úttekt Hafrannsóknastofnunar á ástandi laxastofnsins í Blöndu. Þá er fyrirhuguð rannsókn á fiskstofnum í bergvatnsánum uppi á Auðkúluheiði og Eyvindarstaðaheiði sem falla til Blöndulóns.
    Meira
Yfirlit frétta