Halastjarna á himni annað kvöld
Halastjarnan, PanStarrs, mun sjást skömmu eftir sólsetur í vesturátt í seinni hluta marsmánaðar en samkvæmt Stjörnufræðivefnum ætti besti tíminn til að sjá halastjörnuna að vera frá morgundeginum, þriðjudaginn 12. mars, til 20. mars en þá verður hún mjög lágt á vesturhimni við sólsetur.
PanStarrs mun sjást skömmu eftir sólsetur út marsmánuð og fram í apríl eða þar til hún er bæði orðin of dauf og sumarbirtan tekur við. Þann 5. mars var PanStarrs næst jörðinni, þá í rúmlega 160 milljón km fjarlægð frá okkur. Fimm dögum síðar, þann 10. mars, komst hún næst sólinni og náði þá hámarksbirtu. Þá sást hún best frá suðlægari slóðum en smám saman fjarlægist halastjarnan sólina og fer hækkandi á himninum. Um leið fer birta hennar dvínandi.
Hvert á að horfa og hvenær?
Til að sjá PanStarrs er mikilvægt að koma sér fyrir þar sem hvorki fjöll, byggingar né gróður trufla útsýnið til sjóndeildarhringsins í vesturátt samkvæmt Stjörnufræðivefnum þar sem halastjarnan er mjög lágt á himninum um þetta leyti og það gæti orðið örlítið krefjandi að finna hana.
Að kvöldi 13. mars gæti útsýnið orðið sérstaklega fallegt. Þá birtist halastjarnan á himninum við sólsetur, skammt frá mjórri vaxandi mánasigð en sjaldgæft er að sjá tunglið og halastjörnu saman á dimmbláum himni.
Sólsetur dagana 12. – 20. mars er:
- 12. mars - kl. 19:20
- 13. mars - kl. 19:23
- 14. mars - kl. 19:26
- 15. mars - kl. 19:29
- 16. mars - kl. 19:32
- 17. mars - kl. 19:35
- 18. mars - kl. 19:38
- 19. mars - kl. 19:41
- 20. mars - kl. 19:44
Veðurspá Veðurstofu Íslands fyrir þriðjudag og miðvikudag, 12. og 13. mars, lítur reyndar ekki vel út því spáð er skýjuðu veðri um allt land en á fimmtudag er spáð NA-áttum og þá gæti eitthvað létt til. Hér er hægt að fylgjast með skýjahuluspánum á Norðljósaspásíðu Veðurstofunnar.
Hér fyrir neðan er umfjöllun um halastjörnuna PanStarrs í nýjasta þætti Sjónaukans á Stjörnufræðivefnum.
http://vimeo.com/60801895
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
