Harma áhugaleysi alþingismanna á stöðu landsbyggðarinnar
Aðalfundur samtakanna Landsbyggðin lifi hélt aðalfund sinn í Ketilási í Fljótum sl. laugardag. Þar var Ómari Ragnarssyni m.a. færð gjöf frá samtökunum fyrir góð störf í þágu landsbyggðarinnar á undanförnum áratugum. Einnig ályktaði fundurinn um áhugaleysi alþingismanna á stöðu landsbyggðarinnar.
Á fundinum var Ómari Ragnarssyni fært málverk sem Trausti Sveinsson og Sigurbjörg á Bjarnagili í Fljótum gáfu Landsbyggðinni lifi 2010 en þau færðu honum það einnig á fundinum.
Málverkið er af stíflunni í Fljótum eftir að vatninu var hleypt á laust fyrir miðja seinust öld. Samkvæmt heimasíðu Landsbyggðin lifi sagðist Ómar hafa verið að skoða lónið í vor þegar lítið vatn var í því og var hissa á hversu litlar aurskemmdir höfðu borist í vatnið og á jarðveginn sem fyrir var. Hann hafðu hug á að skoða það nánar.
Ályktun var samþykkt á fundinum sem hljóðar svo:
„Fundurinn harmar áhugaleysi alþingismanna á stöðu landsbyggðarinnar. Enginn þeirra sá ástæðu til að mæta á fundinn sem fjallaði um opinbera þjónustu á landsbyggðinni. Umræðan var boðuð með góðum fyrirvara til alþingismanna með aðalfundaboði samtakanna.“
Stjórn samtakanna er þannig skipuð:
Aðalstjórn:
- Eðvald Jóhannsson. Egilsstöðum Formaður.
- Björgvin Hjörleifsson. Dalvík. Varaformaður
- Guðrún Torfhildur Gísladóttir, Reykjavík. Gjaldkeri.
- Stefanía V. Gísladóttir, Kópaskeri. Ritari.
- Ómar Ragnarsson. Reykjavík. Talsmaður.
- Þórarinn Ólafsson. Reykhólum. Meðstjórnandi.
- Albert Gunnlaugsson. Siglufirði. Meðstjórnandi.
Varamenn:
- Trausti Sveinsson. Fljótum.
- Stefán Haraldsson. Blönduósi.
- Halldór Jörgenson. Reykjavík.
- Guðjón Dalkvist Gunnarsson, Reykhólum.
- Helga Kristjánsdóttir. Súgandafirði
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
