Heilræða– og frjósemislimrur á þorranum
Þær Jóhanna Helga Halldórsdóttir og Þóra Sverrisdóttir í Húnavatnshreppi tóku að sér fyrir hönd foreldra við leikskólann Vallaból og Húnavallaskóla, að koma á framfæri mjög áríðandi umræðu sem skapaðist á foreldrafundi á Vallabóli sl. haust. Samkvæmt heimasíðu Húnavatnshrepps snerist sú umræða um nauðsyn þess að fjölga börnum í skólunum og einnig fólki í hreppnum.
„Aðstaðan er frábær á Stór– Húnavallasvæðinu, þar vinnur yndislegt starfsfólk sem er stöðugt að breyta og bæta, þó hefðir séu í hávegum hafðar og það er sannarlega pláss fyrir fleira gott fólk.
Á umræddum fundi sl. haust lofuðum við öðrum foreldrum og starfsfólki því að láta til okkar taka og ýta úr vör ástar– og fjölgunarátaki og voru fundarmenn sammála um að best væri að nýta þorrann til slíkra verka, þar sem yfirleitt er kalt á þorra og fólk kúrir sig saman undir dúnsængum og gæruskinnum, en jafnframt er fólk að halda blót sín og gleðja sig við görótta drykki og ærslast með hinu kyninu,“ segja þær stöllur.
Þær skora á alla sem þetta lesa að tendra nú rómantík og ástarelda út um dali og grundir og hvar sem þið eruð. „...ekkert er dásamlegra en gleðin yfir lífinu,“ bæta þær við.
„Þú bónda þinn lagin skalt lokka
með lofsyrðum, kossum og þokka -
og faðma hann frjó
í friði og ró
og fullskapað kríli svo kokka.
Þú frúnni gef kossa og kreistur
nú karl er úr læðingi leystur -
síðan þögult og þétt
bara þreifarðu rétt
á þorranum sprækur og reistur.
Svo ljúft er um rómans að rabba
og reyndu nú makann að gabba -
í gleði með þér
svo gleymi hann sér
og geti áttgott með að labba.“
Átakið hefst formlega með mikilli gleði á bóndadaginn 25. janúar nk. Allar konur eru hvattar til að heilla menn sína upp úr skónum og karlmenn eru hvattir til þess að bregðast vel við.
„Árangur verður metinn að ári liðnu og þeir sem þykja standa sig best fá fallegar gjafir frá okkur,“ segja Jóhanna og Þóra loks með þokkafullum þorrakveðjum.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
