Heimir á Hofsósi
Í gegnum tíðina hafa þarfir sauðkindarinnar gengið fyrir öðrum þáttum í samfélaginu. Þar er starfsemi Karlakórsins Heimis engin undantekning og undanfarinn rúman mánuð hefur kórinn verið í nokkurs konar fæðingarorlofi. Nú er sauðburði hins vegar lokið, og ekkert því til fyrirstöðu að taka upp þráðinn þar sem frá var horfið í vor. Ekki er þó svigrúm til langferða að þessu sinni, enda styttist í heyannir, og ætla þeir að halda sér því innan hreppsmarkanna og fara á Hofsós, í Höfðaborg nánar til tekið. Þar þjófstarta þeir Jónsmessugleði þeirra Hofsósinga, fimmtudagskvöldið 20. júní næstkomandi, kl. 20:30.
Á tónleikunum verður flutt samskonar dagskrá og hefur verið á tónleikum kórsins í vetur, við góðar undirtektir gesta. Dagskráin er þannig byggð upp að fyrir hlé er sígild karlakóratónlist á dagskránni. Einsöngvarar í þeim hluta eru Ari Jóhann Sigurðsson og Árni Geir Sigurbjörnsson. Eftir hlé er skipt um gír, hljómsveit skipuð kórmeðlimum stígur á stokk og sveiflan tekur völdin. Þá fáum við til liðs við okkur Herdísi Rútsdóttur, sem er ung og upprennandi söngkona, okkur að góðu kunn eftir að hafa komið fram á Sönglögum í Sæluviku og á fleiri tónleikum. Ekki má svo gleyma félögum okkar þeim Pétri Péturssyni og Sveini Rúnari Gunnarssyni, en þeir munu einnig syngja með okkur í seinni hluta dagskrárinnar.
Miðaverð á tónleikana er 3.000 kr. Þess ber að geta, að 67 ára og eldri fá frítt inn á tónleikana að þessu sinni.
Í hléi verður kynning á ölföngum frá bugghúsinu Gæðingi í Útvík. Karlakórinn Heimir segir frá þessu.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
