,,Held að ég sé ánægðust með peysuna sem ég var að klára á mömmu,,
Brynja Sif Harðardóttir býr á Sauðárkróki með kærastanum sínum, Hannesi Inga Mássyni og syni þeirra Óliver Mána sem verður tveggja ára í desember. Brynja er á lokaári í miðlun og almannatengslum við Háskólann á Bifröst og vinnur á leikskólanum Ársölum.
Hvernig byrjaðir þú og hve lengi hefur þú stundað hannyrðir? Ég lærði slétt og brugðið í grunnskóla bara svona eins og flestir. Þegar að ég var í fjölbrautaskóla kom einhver smá áhugi fyrir prjóni og Kristbjörg Kemp, góð vinkona mín, hjálpaði mér að byrja á peysu sem ég kláraði reyndar aldrei, en það er á planinu að taka hana upp aftur. Þegar ég varð síðan ólétt af Óliver Mána haustið 2020, byrjaði ég að hekla teppi og eftir að hann fæddist prjónaði ég fyrstu peysuna mína og hef ekki hætt að prjóna síðan.
Hvaða handavinna þykir þér skemmtilegust? Núna undanfarið finnst mér mjög skemmtilegt að prjóna gatamynstur en ég prjónaði peysu á mömmu mína og eina ungbarnapeysu nýlega með þannig mynstri. Annars finnst mér skemmtilegast að prjóna barnaföt.
Hverju ertu að vinna að um þessar mundir? Ég var að byrja á peysunni Monday Sweater frá Petite Knit á mig, og síðan er ég með tvær húfur á Óliver Mána, eina Eyrnaslapa frá Hlýna design og Lillebjørn húfu frá Knitting for Olive.
Hvar færðu hugmyndir? Aðallega í gegnum Instagram en þar er ég að fylgja mörgum flottum prjónurum og hönnuðum. Mínar uppáhalds uppskriftir eru frá Petite Knit.
Hvaða handverk sem þú hefur unnið ertu ánægðust með? Ég held að ég sé ánægðust með peysuna sem ég var að klára á mömmu, opin Ella sweater frá Lene Holm Samsøe úr æðislegu garni frá Knitting for Olive.
Eitthvað sem þú vilt bæta við? Mæli svo bara með því fyrir tilvonandi mæður að læra að prjóna, það er ekkert betra en að sjá þessi litlu kríli í fötum sem maður prjónaði sjálfur. Síðan fannst mér líka svo notalegt að geta gripið í prjónana í fæðingarorlofinu.
Áður birst í tbl. 40 Feykis 2022.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.