Hitaveitudagar á Skagaströnd
Dagana 31. ágúst og 1. september sl. var efnt til Hitaveitudaga á Skagaströnd, þar sem íbúum gafst kostur á að kynna sér ýmis mál er tengjast hitaveituvæðingu staðarins og hvernig framkvæmdir við lagningu hitaveitunnar stendur en þær eru þegar hafnar. Ákvörðun um hitaveitu til Skagastrandar var tekin í lok síðasta árs og var aðdragandinn nokkuð langur eins og kom fram í ávarpi Tryggva Þórs Haraldssonar forstjóra RARIK við setningu Hitaveitudagana.
Í Feyki í dag er umfjöllun um verkefnið og viðtöl við Tryggva Þór og Adolf H. Berndsen oddvita sveitarstjórnar Skagastrandar þar sem þeir fara yfir stöðuna og hvernig framtíðarhorfur hitaveitumála á Skagaströnd líta út.
-Staðan á verkinu nú er þannig að við erum að leggja stofnlögnina frá Reykjum að Blönduósi og er sá áfangi á áætlun. Við gerum ráð fyrir að því verki ljúki núna í haust. Búið er að byggja dælustöðina upp á Blönduósi og er verið að semja við aðila um frágang á búnaði hennar, segir Tryggvi Þór en Rarik stendur nú í viðræðum við Vegagerðina og Blönduósbæ um hvernig farið verður með lögnina yfir Blöndu.
Adolf segist halda að þetta eigi eftir að hafa gríðarlega jákvæð áhrif bæði fyrir búsetu og framtíðarhorfur Skagastrandar. -Dæmin hafa sýnt það að alls staðar þar sem hitaveitur hafa komið, breytir það búsetuskilyrðum og möguleikum atvinnulífs. Þetta eru með betri fréttum sem Skagaströnd hefur staðið frammi fyrir lengi, segir Adolf.
Nánar um málið á Feyki sem kom út í morgun.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
