Hólmfríður ráðin verkefnisstjóri sóknaráætlana landshluta
Fyrir skömmu síðan auglýsti Byggðastofnun laust til umsóknar starf verkefnisstjóra sóknaráætlana landshluta. Um er að ræða tímabundið starf til eins árs. Alls sóttu 43 um starfið en ákveðið var að ráða Hólmfríði Sveinsdóttur stjórnsýslufræðing.
Í Byggkorni, fréttabréfi Byggðastofnunar, kemur fram að verkefni verkefnisstjórans sé þríþætt.
Í fyrsta lagi að vinna með stýrineti stjórnarráðsins að útfærslu og framkvæmd verkefnisins um sóknaráætlanir landshluta. Það felur m.a. í sér að taka þátt í fundum stýrinets verkefnisins sem í eiga sæti fulltrúar ráðuneyta, að þróa mælikvarða sem sýna framvindu, leggja mat á árangur og þróun verkefnisins, sem og að koma með ábendingar um framkvæmd. Þá fylgist Byggðastofnun með þeim sérstöku verkefnum sem framkvæmd eru undir merkjum sóknaráætlana landshluta og aðstoðar eftir atvikum einstök ráðuneyti við verkefnisstjórn.
Í öðru lagi vinna einstök landshlutasamtök að gerð sóknaráætlana fyrir hvern landshluta, í samvinnu við Byggðastofnun. Áætlanirnar munu leggja markmið Íslands 2020 til grundvallar, auk hugmynda og áherslna sem fyrir liggja eftir þjóðfundi landshluta og stefnumörkun landshlutasamtaka í kjölfar þeirra. Forgangsröðun einstakra verkefna á hverju svæði verði á hendi heimafólks. Skilgreindur verður sameiginlegur vettvangur sveitarstjórna og fulltrúa atvinnulífs og stofnana á hverju svæði sem kemur í stað hinna ýmsu stjórna og nefnda sem koma að málum í núverandi skipulagi.
Í þriðja lagi vinnu Byggðastofnun í samvinnu við stýrinetið að því að samhæfa aðkomu ólíkra stofna ríkisvaldsins að vinnu við sóknaráætlanir landshluta, svo sem Ferðamálastofu, nýsköpunarmiðstöðvar og atvinnuþróunarfélaga.
Þá segir að umsækjendur um starfið hafi alls verið 43, þar af voru 18 boðaðir í viðtöl og 7 í framhaldi af þeim til frekari greiningar. Sett var á laggirnar sérstök hæfisnefnd til að fjalla um umsóknirnar og taka viðtöl við umsækjendur. Í henni voru 3 fulltrúar, Snorri Björn Sigurðsson forstöðumaður þróunarsviðs Byggðastofnunar, Héðinn Unnsteinsson, sérfræðingur í Forsætisráðuneytinu og Stefanía Traustadóttir, sérfræðingur í Innanríkisráðuneytinu, og formaður stýrinets sóknaráætlana landshluta.
Á grundvelli tillagna nefndarinnar, skoðunar á þeim gögnum sem fyrir henni lágu, viðtölum við meðmælendur ofl., ákvað forstjóri Byggðastofnunar að ráða í starfið Hólmfríði Sveinsdóttur stjórnsýslufræðing. Hólmfríður hefur nú þegar hafið störf en aðsetur hennar verður í Arnarhvoli.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
