Húnahornið leggur Styrktarsjóðnum lið
Húnahornið, fréttavefur Húnvetninga, hefur ákveðið að leggja 500.000 krónur í Styrktarsjóð Húnvetninga. Það er von Húnahornsins að fjárframlagið bæti upp að mestu þann tekjumissi sem Styrktarsjóðurinn varð fyrir vegna þess að aflýsa þurfti Styrktarsjóðsballinu sem halda átti laugardaginn 24. október síðastliðinn.
Húnahornið metur starf Styrktarsjóðsins mikils og telur nauðsynlegt að hann standi sterkur til þess að geta þjónað sínu mikilvæga hlutverki sem best. Jafnframt hvetur Húnahornið alla þá sem geta lagt Styrktarsjóðnum liða að gera það með því að leggja pening inn á reikning sjóðsins, 0307-26-006509, kt. 650997-2479.
Styrktarsjóður Húnvetninga var stofnaður 16. mars árið 1974. Markmið sjóðsins er að veita héraðsbúum aðstoð þegar óvænta erfiðleika ber að höndum, þó fyrst og fremst hjálp í erfiðum sjúkdómstilfellum þar sem ekki er veitt næg aðstoð af hálfu opinberra aðila og fjárframlög til kaupa á lækningatækjum og öðrum þeim tækjum eða aðstöðu sem skapar bætta sjúkrahjálp og heilsugæslu í héraðinu.
Húnahornið hefur í tæp 15 ár flutt fréttir úr Húnavatnssýslum og verið vettvangur þeirra sem vilja tala til Húnvetninga. Vefurinn er áhugamál eða samfélagsverkefni þeirra sem að honum standa og fer vinna við hann fram í frístundum þeirra og án greiðslu.
Seldar eru auglýsingar á Húnahorninu til að standa straum af rekstrarkostnaði vefsins sem aðallega er hýsingakostnaður og viðhald vefumsjónarkerfis. Auglýsingatekjur hafa flest árin verið hærri en rekstrarkostnaður og vill Húnahornið nú skila þeim peningum til samfélagsins með því að styrkja þetta verðuga samfélagsverkefni sem Styrktarsjóður Húnvetninga er.
Fréttatilkynning
Fleiri fréttir
-
Fæðingardeildin 50 ára
feykir.is Skagafjörður, Hestar, Mannlíf, Lokað efni 11.06.2025 kl. 14.12Einn af föstu punktunum í tilverunni á Króknum er fæðingardeild Sauðárkrókshesta sunnan við bæinn. Sauðárkrókshestar er ræktunarnafn Guðmundar Sveinssonar og fjölskyldu. Sveinn faðir Guðmundar lagði grunninn að þessari ræktun með þeim mæðgum, Ragnars Brúnku og Síðu frá Sauðárkróki.Meira -
Saga Sjöfn er nýr formaður Leikfélags Sauðárkróks
feykir.is Skagafjörður, Listir og menning, Lokað efni 11.06.2025 kl. 13.23Aðalfundur Leikfélags Sauðárkróks var haldinn fimmtudagskvöldið 5. júní sl. í Leikborg, Borgarflöt 19D. Á dagskrá voru venjuleg aðalfundarstörf en helst bar til tíðinda að formannsskipti urðu á fundinum þar sem Sigurlaug Dóra Ingimundardóttir lét af störfum eftir langa og farsæla formannssetu.Meira -
Hvar eru Feykir og Sjónhornið!?
feykir.is Skagafjörður, Austur-Húnavatnssýsla, Vestur-Húnavatnssýsla 11.06.2025 kl. 12.43Það eru efalaust einhverjir með böggum hildar að hafa ekki fengið Feyki og Sjónhornið inn um bréfalúguna í dag. Það á sér eðlilegar skýringar því hvítasunnuhelgin náði að veju nokkuð inn í vinnuvikuna. Sjónhorn og Feykir voru því prentuð degi síðar en vanalega.Meira -
Betri tíð með blóm í haga
feykir.is Skagafjörður, Ljósmyndavefur, Lokað efni 11.06.2025 kl. 10.05Norðanskotið sem gekk yfir í síðustu viku varð víða töluvert meira en skot. Verstu spár virtust gera ráð fyrir að það stæði frá mánudegi til miðvikudags. Ekki var reiknað með mikilli snjókomu og ef eitthvað þá átti veðrið að vera verst austan Tröllaskaga. En eins og stundum áður þá stóðst þetta ekki alveg; skotið stóð yfir í fimm daga og í Fljótum snjóaði eins og í þokkalegum vetrarmánuði. „Ekki hefði mér dottið í hug að sjá nýfallin snjóflóð eða snjóspýjur 10. júní,“ skrifar tíðindamaður Feykis í Fljótum á Facebook.Meira -
Tindastóll bætir í vopnabúrið
feykir.is Skagafjörður, Íþróttir, Lokað efni 11.06.2025 kl. 08.59Það er mikið að gera hjá Körfuknattleiksdeild Tindastóls þessa dagana. Í gær var kynntur nýr leikmaður til leiks en það er Akureyringurinn Júlíus Orri Ágústsson. Júlíus hefur samið við Körfuknattleiksdeild Tindastóls og mun leika með l...Meira
