Húnvetnska jólakarfan klikkar ekki
Sú hefð hefur skapast hjá SAH Afurðum á Blönduósi að bjóða upp á húnvetnska jólakörfu fyrir jólin og er engin breyting þar á fyrir þessi jól. Einnig verða í boði gourmet askja með ýmsu góðgæti, jólaglaðningur sem er hagkvæmur kostur og síðast en ekki síst Kjetkrókur frá SAH Afurðum.
Í húnvetnsku jólakörfunni er hægt að velja um þrjár kjöttegundir, úrbeinað hangilæri, eða svínahamborgarahrygg, eða kryddað lambalæri en auk þess eru í körfunni vörur frá fyrirtækjum á svæðinu, vörur frá Vilko ehf., Prima og bakkelsi frá Sveitabakaríi.
Í gourmet öskjunni er að finna lambaprime, tvíreykt hangikjöt, hreindýra- og sveitapaté ásamt Cumberlandsósu, þrjár gerðir af ostum, sulta, kex, jólaservíettur og eitthvað sætt og gott.
Hér er hægt að velja um þrjár kjöttegundir í jólaglaðningi, úrbeinað hangilæri, eða svínahamborgarahrygg, eða kryddað lambalæri frá SAH Afurðum, einnig verða smákökur og eitthvað sætt og gott.
Svo er það Kjetkrókur en þar leynist hið eina sanna Kosta hangilæri með beini frá SAH Afurðum í gjafapakkningu. Þjóðlegt og gott.
Nánari upplýsingar um þetta góðmeti er hægt að nálgast HÉR
Fleiri fréttir
-
Karlakórinn Heimir í brattur í Brighton. 4. til 10. Júní.
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira
