Húsið Tilraun jólahús ársins á Blönduósi
Á síðasta degi jóla tilkynnti vefurinn Húnahornið um val lesenda á Jólahúsi ársins 2016 á Blönduósi. Flestir sem tóku þátt í jólaleiknum völdu Aðalgötu 10 – Tilraun. Húsið, sem er fallega skreytt jólaljósum í látlausum en smekklegum stíl, stendur í gamla bænum, sunnanmegin við gömlu kirkjuna undir brekkunni við Aðalgötu og er í eigu Bjarna Pálssonar og Huldu Leifsdóttur. Að þessu sinnu fengu frekar fá hús tilnefningar en þeirra á meðal má nefna Brekkubyggð 17 og 24, Húnabraut 10 og Heiðarbraut 9.
Til fróðleiks má benda á að fjallað er um Tilraun í fyrstu útgáfu af húsakönnun fyrir afmörkuð svæði í þéttbýlinu á Blönduósi sem skoða má á vef Blönduósbæjar. Þar segir:
Húsið var reist af Bindindisfélaginu Tilraun og nýtt sem samkomu- og fundahús. Bindindisfélagið mun hafa hætt skömmu síðar en 1926 var Templarafélagið enn við lýði og hélt fundi sína í bókasafnsstofunni í „Tilraun“ eins og húsið var kallað. Árið 1908 var samþykkt að gera Blönduós að sérstöku skólahéraði og síðla árs 1908 voru tvær stórar skólastofur á efri hæð hússins teknar á leigu. Skólinn í Tilraun var rekinn þar frá 1908 – 1946. Þar var einnig aðstaða til fundahalda og Sýslubókasafn til húsa. Símstöð var rekin í húsinu árið 1912. Á neðri hæð hússins var íbúð. Nú er húsið eingöngu notað sem íbúð og sem gistiheimili.
Húsið er byggt 1907. Flokka mætti byggingarstílinn sem „Klassískan“. Húsið er eitt af 11 steinsteyptum húsum á Blönduósi, sem byggð voru fyrir 1910. Húsið er einnar hæðar steinhús á háum kjallara með valmaþaki. Upphaflega var gengið inn á aðalhæð hússins um inngönguskúr að sunnanverðu. Hann er nú horfinn en aðalinngangur er áfram á þeirri hlið. Bílskúr sunnan við hús var stækkaður 1965. Inngönguskúr var reistur 1940 að norðanverðu. Hann var rifinn 1968 og endurbyggður 1970. Árið 2013 var lokið endurgerð á gluggum og þeir færðir í upprunalegan stíl, húsið málað og ástand þess virðist gott.“
Þetta var í fimmtánda sinn sem Húnahornið stendur fyrir vali á Jólahúsi ársins á Blönduósi. Þau hús sem hlotið hafa viðurkenningu eru:
2016: Aðalgata 10 (Tilraun)
2015: Skúlabraut 1
2014: Hlíðarbraut 1
2013: Heiðarbraut 1
2012: Mýrarbraut 33
2011: Melabraut 19
2010: Mýrarbraut 35
2009: Hlíðarbraut 4
2008: Hlíðarbraut 8
2007: Ekkert val
2006: Sunnubraut 3
2005: Hlíðarbraut 8
2004: Hlíðarbraut 13
2003: Garðabyggð 1
2002: Hlíðarbraut 13
2001: Brekkubyggð 17
Fleiri fréttir
-
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira
