Í nógu að snúast hjá Björgunarsveitinni Strönd
Björgunarsveitin Strönd á Skagaströnd hefur haft í nógu að snúast undanfarna daga og farið í nokkur útköll en samkvæmt heimasíðu sveitarinnar voru fæst þeirra alvarleg og aðallega um aðstoðarbeiðnir að ræða.
Fimmtudaginn 26. janúar sl. var óskað eftir aðstoð við sjúkrabíll sem þurfti að fara út á Skaga að sækja sjúkling. Vegna ófærðar komst sjúkrabíllinn frekar stutt og var sjúklingurinn sóttur á bíl sveitarinnar. Sjúklingurinn var ferjaður á Skagaströnd þar sem hann komst undir læknishendur.
Útkall vegna vélsleðaslyss skammt frá Hvammstanga barst sl. laugardag og voru sveitirnar á Skagaströnd og á Blönduósi voru ræstar til vonar og vara, þar sem mest af tækjum og mannskap Húna á Hvammstanga var á æfingu á Arnarvatnsheiði þegar slysið bar að. Húnarnir voru hinsvegar vel færir um að annast útkallið þar sem þeir voru á niðurleið af heiðinni og hinum sveitunum því snúið við.
Tómt bras og basl og lítil veiði
Í gær var óskað eftir aðstoð við að ná í bíl sem skilinn var eftir norðan við Steinnýjarstaði kvöldið áður. Tveir menn sem voru við veiðar á Langavatni höfðu fest bílinn sinn, affelgað hann og ákváðu að skilja hann eftir og fara til baka á öðrum bíl er þeir voru á.
„Var farið á Ford í þetta verkefni og ekki veitti af því töluvert krap var og lítill snjór. Gríðarlega hafði tekið upp og þar sem bíllinn stóð var nánast engin snjór lengur bara krapi og mikill vatnselgur um allt. Farið var með auka dekk til að setja undir og eftir smá bras við að tjakka bílinn upp þá komst dekkið undir og var þá haldið til baka og gekk það nokkuð vel. Þegar komið var til baka í hús var dekkinu komið á felguna aftur og undir bílinn og ætluðu ferðalangarnir svo að drífa sig í bæinn aftur eftir veiðiferð sem mestu var tómt bras og basl og litla veiði,“ segir á heimasíðu Björgunarsveitarinnar Strönd.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
