Íslandsmeistari annað árið í röð :: Íþróttagarpurinn Hjördís Halla Þórarinsdóttir
Íslandsmót barna og unglinga í hestaíþróttum fór fram í Borgarnesi fyrir skömmu og sagði Feykir frá afar góðum árangri systranna Hjördísar Höllu og Þórgunnar Þórarinsdætrum á Sauðárkróki. Þórgunnur var Íþróttagarpur Feykis í fyrsta blaði ársins en nú er komið að Hjördísi Höllu sem varð Íslandsmeistari í tölti í barnaflokki á hestinum Flipa frá Bergsstöðum á téðu Íslandsmóti og annað sætið varð hennar í fjórgangi.
Stelpurnar eru dætur þeirra Sigríðar Gunnarsdóttur, sóknarprest á Sauðárkróki, og Þórarins Eymundssonar, hestamanns og afreksmanns í hestaíþróttum, en hann hefur aðstoðað þær systur eftir föngum og þjálfað.
Hjördís byrjaði tveggja ára gömul að fara á hestbak en hefur riðið ein frá því hún var fimm ára. Hún segir að vel hafi gengið í keppnum og hefur unnið mörg mót á Sauðárkróki og á Hólum. Í fyrra fór Hördís á sitt fyrsta Íslandsmót og varð þá tvöfaldur Íslandsmeistari, í fimi og stigahæsti knapinn. Til að ná árangri þarf vissulega að halda vel á spöðunum.
„Ég þjálfa keppnishestinn minn oftast fimm sinnum í viku. Ég reyni að hafa þjálfunina fjölbreytta, þjálfa inni í reiðhöll, fer í reiðtúra, æfi á hringvellinum, hringteymi og stundum læt ég Flipa hlaupa frjálsan í rekstri. Á sumrin tek ég hann með í stuttar hestaferðir. Reglulega tek ég æfingu með pabba sem er duglegur að kenna mér og undirbúa mig fyrir keppni. Ég gæti þetta ekki án hans. Skemmtilegast er að byggja upp hestinn og sjá framfarir og keppa,“ segir Hjördís sem var þess fullviss að hún gæti unnið á Íslandsmótinu en vissi auðvitað ekki hvort það gengi upp.
Hún segir það gaman að þjálfa Hálegg og reyndar alla hesta þegar hún er spurð um hvort annar hestur heilli hana. „Næst ætla ég kannski að keppa á Takti sem Þórgunnur systir mín hefur verið að keppa á,“ segir hún.
Hvernig er tilfinningin að vera Íslandsmeistari? -Hún er æðisleg, ég er mjög stolt. Mjög góð tilfinning.
Stundar þú aðrar íþróttir? -Já, körfubolta og fótbolta.
Íþróttafélag eða félög: -Hestamannafélagið Skagfirðingur og Tindastóll
Helstu íþróttaafrek: -Tvöfaldur Íslandsmeistari í hestaíþróttum 2021 og annað sæti með Tindastóli á Símamótinu.
Skemmtilegasta augnablikið: -Hestaferð í Vatnsdalnum.
Neyðarlegasta atvikið: -Þegar Flipi rauk með mig í keppni.
Einhver sérviska eða hjátrú? -Nei, en ég trúi á stjörnumerkin.
Uppáhalds íþróttamaður? -Sara Björk Gunnarsdóttir.
Ef þú mættir velja þér andstæðing, hver myndi það vera og í hvaða grein mynduð þið spreyta ykkur? -Keppa við systur mína í fjórgangi. Hún á Hnjúk og ég á Flipa.
Hvernig myndir þú lýsa þeirri rimmu? -Ég myndi vinna hana þegar ég tæki fram úr henni á greiða töltinu.
Helsta afrek fyrir utan íþróttirnar? -Ríða yfir Heljardalsheiði.
Lífsmottó: -Gerðu þitt besta.
Helsta fyrirmynd í lífinu: -Pabbi og mamma. Pabbi kennir mér allt á hesta og mamma allt hitt.
Hvað er verið að gera þessa dagana? -Slaka á, undirbúa mig fyrir skólann og þjálfa hestana.
Hvað er framundan? -Nú er keppnistímabilið að verða búið svo er bara að halda áfram að þjálfa fyrir næsta ár.
Eitthvað sem þú vilt koma á framfæri? -Láttu drauma þína rætast!
/Áður birst í 30. tbl. Feykis 2022
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.