Katrín ráðin deildarstjóri hjá HSN á Blönduósi
Katrín Kristinsdóttir hjúkrunarfræðingur hefur verið ráðin deildarstjóri hjúkrunar- og sjúkradeilda hjá HSN Blönduósi, en hún mun hefja störf þann 1. desember næstkomandi. Katrín er lífinu úti á landi góðu kunn og hlakkar til að flytja til Blönduóss en hún hefur síðustu tvö árin starfað í Svíþjóð.
Í tilkynningu á síðu Heilbrigðisstornunar Norðurlands í morgun segir: „Katrín fór fyrst í sjúkraliðanám, vann að mestu á dvalarheimilinu Dalbæ á Dalvík sem sjúkraliði og aftur síðar í tvö ár sem hjúkrunarfræðingur ásamt nemaárunum sínum. Fjölskyldan flutti til Lundar í Svíþjóð 2016 þar sem hún vann sem sjúkraliði í eitt ár áður en flutt var heim aftur. Auk sjúkraliða- og hjúkrunarfræðináms sem lauk árið 2022 fór Katrín í nám í andlegri einkaþjálfun sem hún lauk árið 2023 og kenndi það fag í einn vetur í kjölfarið. „Það nám gaf mér frábæra reynslu í samtalstækni og verulega aukinn skilning á hvernig hugurinn virkar,“ segir Katrín.
Svíþjóð kallaði aftur árið 2024 en þar hefur Katrín unnið í um tvö ár sem hjúkrunarfræðingur á dvalarheimili fyrir aldraða í Åhus í Suður-Svíþjóð. Þar sinna hjúkrunarfræðingar aðallega skrifstofuvinnu og eru mikið í samskiptum við lækna, aðstandendur, iðjuþjálfa og sjúkraþjálfara. „Það hefur gefið mér góða reynslu af skipulagi og yfirsýn yfir það utanumhald sem þarf að hafa fyrir hvern og einn skjólstæðing. Mikið var einnig unnið með hreinlæti og hvað við getum gert til að bæta störf okkar og minnka smit og sýkingar,“ segir Katrín.
Katrín er mjög spennt fyrir flutningum heim. „Ég er að fara í fyrsta skipti í stjórnunarstöðu en tel mig tilbúna í það starf, er búin að fara vel út fyrir þægindarammann minn síðustu árin og vaxið í starfi eftir því. Ég á afar auðvelt með að vinna með öðrum og er full tilhlökkunar að flytja á Blönduós og kynnast nýjum vinnustað og nýju fólki,“ segir Katrín að lokum.“
Katrín er boðin hjartanlega velkomin til liðs við HSN.
Fleiri fréttir
-
Hvaða áhrif hefur fjárlagafrumvarpið á þitt heimili? | Fréttatilkynning
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.10.2026 kl. 10.46Í dag opnar Framsókn vefinn utreikningur.is. Þar getur fólk fengið sundurliðað mat á því hvernig breytingar á sköttum, gjöldum og stuðningi við heimilin geta haft áhrif á heimilisbókhaldið.Meira -
Stólarnir áfram í VÍS bikarnum eftir sigur í Hafnarfirði
feykir.is Skagafjörður, Íþróttir, Lokað efni 20.10.2026 kl. 09.44Ríkisapparatið sýndi frá VÍS bikarnum í gærkvöldi en það fór nú kannski að mestu fram hjá landsmönnum. Stólarnir reimuðu á sig körfuboltaskóna á Ásvöllum í Hafnarfirði þar sem þeir mættu 1. deildar liði Hauka. Úr varð hressilegur leikur þar sem heimamenn héldu í við gesti sína alveg fram í fjórða leikhluta en þá skildu leiðir. Lokatölur 80-103 og Stólarnirþví komnir í pottinn fyrir 16 liða úrslitin.Meira -
Elín heiðruð fyrir störf í þágu ferðaþjónustu á Norðurlandi
feykir.is Austur-Húnavatnssýsla, Mannlíf 19.10.2026 kl. 15.42Uppskeruhátíð ferðaþjónustunnar á Norðurlandi fór fram á Norðurhjarasvæðinu þann 15. október en þar komu ferðaþjónustuaðilar saman, kynntu starfsemi sína og fögnuðu árangri liðins árs. Á hátíðinni voru veittar viðurkenningar í þremur flokkum. Elín S. Sigurðardóttur, forstöðumaður Heimilisiðnaðarsafnsins á Blönduósi, var á meðal þeirra sem fékk verðskuldaða viðurkenningu fyrir góð störf.Meira -
Aldarafmæli Huppu á Kluftum og nautgriparækt í Skagafirði | Jón Viðar Jónmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.10.2026 kl. 15.15Tilgangur þessa greinarkorns er að hvetja áhugamenn um nautgriparækt til að taka þátt í ráðstefnu á Flúðum 3. nóvember næstkomandi. Hún er haldin til að minnast 100 ára afmælis Huppu á Kluftum þann dag. Fundur hefst kl 11 og mun standa til kl 17. Hrunamannahreppur, Nf. Hrunamanna og Bsb. Suðurlands standa að ráðstefnunni. Þar verður mjög fróðleg og þétt dagskrá um íslenska nautgriparækt með aðaláherslu á dreifingu Kluftstofnsins um allt land á síðustu öld og þær ótrúlegu framfarir í mjólkurframleiðslunni sem dreifing hans olli.Meira
