Kláraði peysufötin fyrir fimmtugsafmælið
Handavinnukonan Hlíf Sumarrós Hreinsdóttir á Sauðárkróki sagði frá broti af handavinnunni sinni í þættinum Hvað ertu með á prjónunum? í 30. tölublaði Feykis 2017. Hún hefur verið afkastamikil handverkskona, allt frá því hún prjónaði fyrsta skylduverkið sitt í barnaskóla og um fermingu tók hún þá ákvörðun að sauma á sig íslenskan búning fyrir fimmtugt. Hún stóð við það og á sjáum við afraksturinn á einni myndanna sem fylgja.
Hve lengi hefur þú stundað hannyrðir?
Ég er búin að vera með handavinnu í höndunum má segja síðan ég var um sjö til átta ára gömul. Í minningunni er fyrsta handverkið mitt gulur dúkur með áteiknuðu blómamynstri. Þennan dúk gaf mágkona föður míns mér og kenndi mér að sauma lykkjuspor og aftursting. Fyrsta prjónaverkið mitt er blár bangsi sem var skylduverk í skólanum.
Hvaða handavinnu þykir þér skemmtilegast að vinna?
Mér finnst í rauninni gaman að allri handavinnu, skiptir engu hvort það er prjón, hekl, útsaumur og eða saumaskapur í vél, bútasaumur sem ég er svo til nýbyrjuð í og finnst mjög
skemmtilegur. Ég fer á bútasaumshelgi á Löngumýri á haustin og prjónahelgi á vorin. Ég lærði að gimba eftir að ég flutti hingað á Krókinn, það er mjög gaman og ég hef gert þannig teppi handa barnabörnunum mínum. Mig hefur alltaf langað til að læra á prjónavél.
Hverju ertu að vinna að um þessar mundir?
Ég er með nokkur ábyrjuð stykki í vinnslu núna. Tók að mér útsaum fyrir móður mína, er að prjóna skírnagjöf á eina litla frænku og galla á ömmubarnið mitt. Svo fékk ég skilaboð frá vinkonu dóttur minnar í Bretlandi um að ég mætti fara fitja upp, það væri ein lítil á leiðinni. Ég hef áður prjónað fyrir hana því dóttur mína langaði svo til að gefa henni eitthvað sem ég gerði.
Hvaða handverk sem þú hefur gert ert þú ánægðust með?
Ég er ánægðust með peysuföt sem ég saumaði mér fyrir tveimur árum síðan. Það er dálítil saga á bakvið það. Þegar ég var að alast upp átti móðir mín kökubauk sem á voru myndir af konum í alls konar fínum fötum; upphlut, peysufötum, og öllum hinum búningunum sem konur klæddust hér áður fyrr. Ég hugsaði alltaf þegar ég sá þennan bauk að svona búning langaði mig til að eignast. Um fermingaraldur tók ég þá ákvörðun að einhvers konar búning skyldi ég eignast fyrir fimmtugsafmæli mitt. Það tókst, ég fór á námskeið hjá Hildi Rosenker í Annríki haustið 2014 og kláraði tveimur dögum fyrir afmælið, 3. maí 2015.
Fleiri fréttir
-
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira -
Konan fagnar líka þessum tímamótum í lífi okkar
feykir.is Skagafjörður, Mannlíf, Lokað efni 30.04.2025 kl. 14.53Eftir aldafjórðung á sjó og ríflega annað eins tímabil í sölu- og markaðsmálum og útgerðarstjórn lætur Gylfi Guðjónsson, útgerðarstjóri hjá FISK Seafood, af störfum um mánaðarmótin. Gylfi segir að honum líði vel með þessa ákvörðun og að þetta sé komið gott. „Það er orðið tímabært að rýma til fyrir yngra fólki með nýja þekkingu og hugmyndir. Ég stíg bæði sáttur og saddur frá þessu borði og veit að konan mín fagnar líka þessum tímamótum í lífi okkar. Það er auðvitað í leiðinni margs að sakna og þar hef ég ekki síst í huga það frábæra fólk sem ég hef fengið að vinna með í gegnum þennan langa feril.“Meira -
Óskað er eftir tilnefningum til Nýsköpunarverðlauna 2025
feykir.is Skagafjörður, Austur-Húnavatnssýsla, Vestur-Húnavatnssýsla 30.04.2025 kl. 14.02Á vef SSNV kemur fram að Sambandið hefur opnað fyrir tilnefningar til Nýsköpunarverðlauna hins opinbera 2025. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði, s.s. umbótastarf, innleiðing nýjunga eða breyttar aðferðir í opinberum rekstri sem skapar eða eykur virði í starfsemi hins opinbera.Meira -
Slökkviliðsstjórar landsins sameinuðust á Akureyri
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.04.2025 kl. 12.30Aðalfundur Félags slökkviliðsstjóra á Íslandi (FSÍ) var haldinn á Akureyri helgina 11. – 12. apríl síðastliðinn. Félagið vinnur að sameiginlegum hagsmunamálum slökkviliða um land allt og er fundurinn mikilvægur vettvangur þar sem slökkviliðsstjórar landsins koma saman til að ræða málefni brunavarna, áskoranir í starfi slökkviliða og miðla reynslu sinni á því sviði. Undirritaður var samstarfssamningur um áframhaldandi þróun og rekstur Brunavarðar. Nýr samstarfshópur stofnaður um uppbyggingu æfingasvæða fyrir slökkvilið landsins og HMS kynnti tvær nýjar leiðbeiningar um heimildir slökkviliða til eftirlits og aðgangs að húsnæði og hins vegar beitingu stjórnvaldssektaMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.