Kvennakórinn Sóldís syngur á alþjóðlegum nótum síðasta vetrardag
Kvennakórinn Sóldís heldur tónleika í Frímúrarahúsinu á Sauðárkróki á morgun, síðasta vetrardag, 18. apríl kl. 20:30. Kórinn hefur verið starfandi í hálft annað ár en hann var stofnaður þann 2. júní 2010. Flestar konurnar koma úr Skagafirði en einnig úr Austur-Húnavatnssýslu. Kórinn hefur verið með alþjóðlegt þema í vetur, í bland við íslenska tónlist og syngja á tíu tungumálum. Lögin sem þær syngja eru á frönsku, spænsku, finnsku, rússnesku, hebresku, svahílí, latínu, ensku, sænsku og íslensku.
„Í fyrra sungum við á fimm tungumálum og það var einskonar áskorun að bæta nokkrum tungumálum við. Sum lögin eru miklir tungubrjótar og hefur verið krefjandi að læra þau. Erfiðast hefur verið að ná tökum á rússnesku og finnsku lögunum. Franskan og svahílí var ekkert mál og spænskan er ljúf og mjúk á tungu,“ sagði Drífa Árnadóttir í viðtali við Feyki í febrúar sl.
Ólafur Hallgrímsson sótti tónleika þeirra í Miðgarði sem haldnir voru á konudaginn og fór fögrum orðum yfir Kvennakórnum í aðsendri grein sinni í Feyki þann 1. mars.
„Sem leikmanni í faginu virtist mér tónleikarnir takast vel. Yfir þeim var ferskur blær. Kórinn býr greinlega yfir góðum raddstyrk og sönggleðin var áberandi, sem hvort tveggja naut sín vel í Miðgarði, innkomur voru öruggar og styrkleikabreytingar sömuleiðis og auðheyrt að stjórnandinn, Sólveig Sigríður Einarsdóttir, hefur alla þræði í hendi sér. Undirleikur Rögnvaldar Valbergssonar studdi við flutninginn af öryggi og smekkvísi, svo sem vænta mátti frá hans hendi. Útkoman á tónleikunum verður að teljast góður árangur, einkum þegar þess er gætt, hve kórinn hefur starfað í skamman tíma, og er ástæða til þess að óska kórfólki til hamingju með það allt.“
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
