Landsbyggðarflokkurinn gagnrýnir sölu á landi í Vatnsmýrinni
Landsbyggðaflokkurinn hafnar með öllu þeim samningi sem ríkisstjórnin hefur gert við Reykjavíkurborg um sölu á landsvæði í Vatnsmýrinni undir íbúabyggð og telur að með honum sé verið að stíga skref í átt að lokun hluta eða allrar flugstarfsemi á svæðinu þvert á vilja meirihluta þjóðarinnar. Þetta kemur fram í fréttatilkynningu sem flokkurinn sendi frá sér í dag.
Í fréttatilkynningunni kemur fram að flokkurinn telur að það sé óforsvaranlegt að ríkið selji land í eigu þjóðarinnar til handa Reykjavíkurborg án allrar umræðu þegar um svo umdeilanlegt mál er að ræða.
„Ætli tilgangur og titill Reykjavíkur sem höfuðborg landsins alls að halda vatni er það lágmarkskrafa að þjóðin öll hafi greiðan aðgang að þeirri grunnþjónustu og stjórnsýslu sem þar er haldin úti og haldið í lágmarki á landsbyggðinni undir þeim formerkjum að hana sé hægt að sækja til Reykjavíkur,“ segir í tilkynningunni.
Ennfremur telur Landsbyggðaflokkurinn það ljóst að verði áformum Reykjavíkurborgar um flutning flugvallarins úr Vatnsmýrinni haldið til streitu verði alger forsendubrestur í ýmsum stærri málum sem brenna á þjóðinni. Svo sem bygging hátæknisjúkrahúss, samdráttur í þjónustu og stjórnsýslu á landsbyggðinni og þá staðsetning nýs flugvallar.
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
