Lögðu áherslu á að styrkja starfsemi sem fyrir er
Nokkrar tillögur Norðvesturnefndarinnar svokölluðu voru samþykktar af Ríkisstjórn í desember sl. Að sögn Arnars Þórs Sævarssonar bæjarstjóra á Blönduósi var mikil samstaða á svæðinu um að koma þessum tillögum til leiðar og að þakka beri Norðvesturnefndinni, með Stefáni Vagni Stefánssyni í broddi fylkingar, fyrir þá vinnu. „Varðandi Blönduósbæ þá tókum við afstöðu til þess að miða í rauninni við að styrkja það sem fyrir er, við töldum það vænlegt til árangurs,“ sagði Arnar í viðtali við Feyki sem kom út sl. fimmtudag.
Ein tillagan var áreiðanleikakönnun á hagkvæmni lífdísilframleiðslu á Blönduósi og fengust tíu milljónir í það verkefni. Mikið magn af dýrafitu fellur til í sláturhúsum á Norðurlandi vestra og segir Arnar mikil tækifæri fólgin í þeirri ónýttu auðlind. Efla verkfræðistofa hefur unnið að því að skoða fýsileika framleiðslunnar á Blönduósi fyrir sveitarfélagið. Horft hefur verið til urðunarsvæðisins á Sölvabakka sem vænlegrar staðsetningar undir þessa verksmiðju.
Önnur tillaga sem hlaut hljómgrunn tengist Kvennaskólanum á Blönduósi og starfseminni þar. Arnar segir eftirspurn erlendra textílnema og -listamanna eftir að koma og dvelja í skólanum til lengri eða skemmri tíma hafa stóraukist síðustu ár og oft á tíðum fullbókað. 20 milljónir fengust til að halda áfram vinnu við viðhald á Kvennaskólanum og m.a. til að gera upp kennarabústaðina til að mæta aukinni eftirspurn eftir gistingu. „Þessir fjármunir nýtast í að halda áfram með viðhaldsframkvæmdir og síðan fengum við líka fjármagn til þess að styðja við þessa uppbyggingu,“ segir Arnar en 25 milljónir fengust í að ráða tvo sérfræðinga til Þekkingarsetursins.
Þá fengust einnig fjármunir í að vinna áfram með þá hugmynd um að reisa álver á Hafurstöðum. Í þann málaflokk fengust 30 milljónir. „Þetta er gríðarlega stórt viðfangsefni og við lítum svo á að féð sé fyrir árið í ár. Þetta er verkefni sem tekur þrjú til fjögur ár, vonandi ekki meira,“ segir Arnar.
Nánar er fjallað um tillögur Norðvesturnefndar sem fengu brautargengi á Blönduósi í Feyki.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
