Málþing um fræðimanninn og þjóðsagnasafnarann Jón Árnason
Málþing verður haldið á Skagaströnd á afmælisdegi Jóns Árnasonar, þjóðsagnasafnara og bókavarðar, laugardaginn 17. ágúst næstkomandi en þá eru liðin 200 ár frá fæðingu hans. Dagskráin hefst með guðsþjónustu í Hofskirkju klukkan 11 en síðan verður afhjúpað söguskilti við Skagabúð og boðið til veitinga í félagsheimilinu Skagabúð.
Fyrsti fyrirlesturinn verður í Skagabúð en svo hefst málþingið sjálft í Fellsborg á Skagaströnd klukkan 13:30 og þar verða tónlistaratriði, ávörp og fleiri fyrirlestrar. Við Spákonufellshöfða afhjúpar forseti Íslands, Guðni Th. Jóhannesson, lágmynd af Jóni Árnasyni klukkan 16:30 og einni stundu síðar opnar Ingibjörg Steinunn Sverrisdóttir landsbókavörður litla sýningu frá Landsbókasafni Íslands – Háskólabókasafni í fræðasetri HÍ í Gamla kaupfélagshúsinu.
Morguninn eftir verður ganga á sjálft Spákonufellið með leiðsögn Ólafs Bernódussonar.
Fyrirlesarar verða: Vilhelm Vilhelmsson, Rósa Þorsteinsdóttir, Kristján Sveinsson og Ólína Kjerúlf Þorvarðardóttir, en ávörp flytja forseti Íslands, Guðni Th. Jóhannesson og oddvitar Skagabyggðar og Skagastrandar. Sr. Bryndís Valbjarnardóttir predikar í Hofskirkju og Hugrún Sif Hallgrímsdóttir er organistinn, en hún stjórnar einnig tónlistaratriðum á málþinginu.
Á haustmánuðum verða ráðstefnur í Landsbókasafninu og á vegum Árnastofnunar og afhjúpuð verður lágmynd af Jóni bókaverði í Þjóðarbókhlöðu og svo mun Reykjavík, bókmenntaborg Unesco setja upp s.k. bókmenntaskilti á Laufásvegi, við hús Jóns. Lágmyndina gerði Helgi Gíslason myndhöggvari. Landsmenn eru boðnir velkomnir til þessarar hátíðarsamkomu eða á einstaka þætti hennar.
/Fréttatilkynning
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.