Margt að gerast hjá Farskólanum
Nýlega hófst á vegum Farskólans námskeiðsröð í fullvinnslu ýmiss konar landbúnaðarafurða. Námskeiðin eru öll haldin í Matarsmiðju BioPol á Skagaströnd og eru styrkt og niðurgreidd af SSNV, Samtökum sveitarfélaga á Norðurlandi vestra.
Fyrirhugað er að halda nokkur mismunandi dagsnámskeið og verður hægt að sækja stök námskeið eða alla námskeiðsröðina sé þess óskað. Nú þegar hafa nokkrir hópar farið í gegnum námskeið í úrbeiningu og er fullbókað á það næsta sem halda á næstkomandi fimmtudag. Til stendur að bæta við námskeiði og er verið að safna í hóp. Enn eru laus pláss á önnur námskeið.
Námskeiðin sem boðið er upp á eru:
Úrbeining á kind – leiðbeinandi Páll Friðriksson.
Heit- og kaldreyking á villibráð – leiðbeinandi Þórhildur Jónsdóttir.
Pate- og kæfugerð - leiðbeinandi Þórhildur Jónsdóttir.
Fars-, pylsu- og bjúgnagerð – leiðbeinandi Páll Friðriksson.
Hrápylsugerð – leiðbeinandi Páll Friðriksson.
Söltun og reyking – leiðbeinandi Páll Friðriksson.
Að þurrka og grafa kjöt – leiðbeinandi Páll Friðriksson.
Skráning á námskeiðin er í síma 455-6010 eða á farskolinn@farskolinn.is.
Í fyrravetur stóð Farskólinn fyrir námskeiðinu „Matarsmiðja – Beint frá býli“ í Skagafirði. Námskeiðið mæltist mjög vel fyrir og nú á að endurtaka leikinn í Húnavatnssýslum. Á námskeiðið kemur fjöldi gestafyrirlesara, farið verður yfir hreinlætis- og örverufræði, úrbeiningu og vinnslu, geymsluþol, merkingar, vöruþróun, uppskriftagerð, gæðamál, lög og reglur og sölu- og markaðsmál. Mikil áhersla verður lögð á verklega þáttinn og farið yfir framleiðslu á vörum úr kindakjöti. Þá fá þátttakendur einn vinnsludag í Vörusmiðju BioPol á Skagaströnd endurgjaldslaust.
Námskeiðið verður haldið miðsvæðis í Húnavatnssýslum og er áætlað að það hefjist í lok október. Lágmarksfjöldi á námskeiðið er tíu þátttakendur. SSNV er einnig bakhjarl þessa námskeiðs.
Halldór B. Gunnlaugsson hjá Farskólanum gefur upplýsingar um námskeiðið í síma 455-6013 og einnig er hægt að senda fyrirspurnir á halldorb@farskolinn.is
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
