Mikil gróska í tómstundanámskeiðum Farskólans
Fjölbreytt námskeið eru í boði hjá Farskólanum - miðstöð símenntunar á Norðurlandi vestra í haust, t.d. húsgagnaviðgerðir, ljósmyndanámskeið, þæfing, veðurfar, japanskt bókband og ýmis námskeið í matargerð, svo fleira mætti nefna.
„Mikið um að vera hjá Farskólanum þessa dagana, mörg námskeið eru að fara af stað og er sérstaklega mikil gróska í tómstundanámskeiðum,“ sagði Halldór Gunnlaugsson verkefnisstjóri hjá Farskólanum.
Fram kemur á heimasíðu Farskólans að góð aðsókn hefur verið á tómstundanámskeið í haust en undangengin eru námskeið um vín- og matarmenningu frá Chile, Sushigerð sem á rætur sínar að rekja til Japans og tvenn námskeið í þæfingu á Sauðárkróki.
Námskeið sem eru að fara af stað á Norðurlandi vestra:
Blönduós:
- Fagnámskeið fyrir starfsfólk í heilbrigðis- og félagsþjónustu er í gangi
- Landnemaskólinn, íslenska fyrir útlendinga, hefst í byrjun nóvember
- Námskeið í þæfingu. Enn eru laus pláss á þetta námskeið sem veraí fjögur skipti en ekki er ennþá búið að festa niður dagsetningar
Hvammstangi:
- Fagnámskeið fyrir starfsfólk í heilbrigðis- og félagsþjónustu er í gangi á Hvammstanga
- Námskeið í Sushigerð verður 16. október
- Ljósmyndanámskeið fyrir byrjendur verður 29. október og 5. nóvember
- Námskeið í húsgagnaviðgerðum (sýnikennsla) verður 23. október
- Indversk matargerð verður haldið þann 1. nóvember í skólahúsnæðinu að Laugabakka
Sauðárkrókur:
- Indversk matargerð verður kennd þann 18. október
- Námskeið í ostagerð verður þann 22. október
- Námskeið í fatasaumi verður haldið 29. og 30. október og er enn hægt að skrá sig til þátttöku
- Veðurfar í Skagafirði með Einari Sveinbjörnssyni. Námskeiðið verður haldið í október og er enn hægt að skrá sig
- Skráningar standa yfir á námskeið í húsgagnaviðgerðum (sýniskennsla)
- Námskeið í vefsíðugerð (Word Press) hefst fljótlega og enn er hægt að skrá sig
- Heitreyking matvæla en það námskeið verður haldið á Hótel Varmahlíð.
- Enn er verið að ákveða dagsetningu á námskeiði í skrautskrift
- Fyrirhuguð eru námskeið í japönsku bókbandi og prentun og vinnu með blek. Hægt er að skrá sig til þátttöku.
Einnig eru í bígerð eru stutt námskeið tengd jólum, þannig að allir ættu að geta fundið sér eitthvað við hæfi. Nánar er hægt að lesa um námskeiðin á heimasíðu Farskólans en þar er einnig hægt að skrá sig til þátttöku.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
