Nemar í búfræðum bjóða fram þjónustu sína
Verðandi búfræðingar við Landbúnaðarháskóla Íslands á Hvanneyri bjóða fram þjónustu sína við hin ýmsu búverk. „Höfum á okkar snærum smiði, rafvirkja, vélvirkja, ýmiskonar véla- og tækjamenn, fjölvirkja, barþjóna, rennismiði, smala og slátrara svo fátt eitt sé nefnt. Getum einnig tekið að okkur ýmiskonar afleysingar, allt nema tæma rotþrær,“ sagði Alda L. Har nemi við Landbúnaðarháskólann.
Um er að ræða fjáröflunarleið hefur verið notuð í nokkur mörg ár í búfræðinni og er hugmyndin sú að nýta þá kunnáttu, færni og hæfileika sem nemendur á öðru námsári í búfræði búa yfir og afla fjár í ferðasjóð.
„Við erum ekki bundin við neitt ákveðið landssvæði, en þar sem við erum á Hvanneyri þá reynum við að skipuleggja okkur þannig að ef við fáum verkefnin langt frá þá vinnum við það frekar um helgar. Stærð verkefnisins skiptir líka máli. Við tökum á móti öllum tilboðum um verkefnum og eru þau svo borin undir hópinn. Ef hópurinn er tilbúinn í að vinna verkið (hefur tök á því, út af skóla og öðru) þá er það unnið með bros á vör,“ sagði Alda.
Hópurinn útskrifast í vor og að sögn Öldu er ekki enn ákveðið hvert ferðinni verður haldið, „enda stór hópur með rosalega margar hugmyndir um hvert eigi að fara. Það eina sem búið er að ákveða er að fara út fyrir landssteinana,“ bætir hún við.
Fyrirspurnir skulu berast til Kjartans á Veggjum, s. 8478408 eða Valda á Skarði, s. 6917036. Frjáls framlög eru líka vel þegin.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
